شىمكەنتتە العاش رەت مي تامىرىنا ميكروحيرۋرگيالىق وتا جاسالدى

2270
Adyrna.kz Telegram

قالاداعى №1 اۋرۋحانا بازاسىندا دارىگەرلەر ينسۋلت العان 69 جاستاعى ناۋقاستىڭ مي قان تامىرىن ميحروحيررۋگيالىق ادىسپەن تىگىپ بەردى.

شىمكەنتتە العاش رەت جاسالعان وتا – ەلىمىزدىڭ ۇزدىك نەيروحيرۋرگى ەركىن مەدەتوۆتىڭ جەتەكشىلىگىمەن ءوتتى.

ناۋقاس اتالعان ارۋرۋحاناعا جەدەل جاردەم قىزمەتىمەن جەتكىزىلگەن. ينسۋلت العان ناۋقاستى دارىگەرلەر انگيوگرافيالىق ادىسپەن تەكسەرىپ، قان تامىرىنداعى اقاۋدى انىقتاعان. پاتسيەنتتىڭ ءومىرىن امان الىپ قالۋ ءۇشىن دارىگەرلەر شۇعىل تۇردە ونى وتا زالىنا كىرگىزىپ، مي قانتامىرانا حيرۋرگيالىق ەم جاسادى.

–تەكسەرۋ كەزىندە ناۋقاستىڭ شات تامىرى ارقىلى ەنىپ، مي قان تامىرلارىن تەكسەردىك. تەكسەرۋدىڭ ناتيجەسىندە مي قان تامىرىنىڭ بىتەلگەنىن انىقتادىق. ميدىڭ سول ايماعىنا قاننىڭ جەتىسپەۋشىلىگىنە بايلانىستى جاڭادان تامىر تىگۋ قاجەت بولدى. سوندىقتان وسى وپەراتسيانى جاسادىق. بۇل وتانىڭ ماقساتى ميدىڭ قان جەتپەي تۇرعان ايماعىنا اينالما جول ارقىلى قان جەتكىزۋ،-دەيدى نەيروحيرۋرگ ەركىن جۇماعاليۇلى.

دارىگەردىڭ ايتۋىنشا، وتا ءساتتى وتكەن. ناۋقاستىڭ قازىرگى جاعداي جاقسى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر