كرەديتتى تولەي الماعان ازاماتتاردىڭ قارىزىن جاعدايى جاقسارعانشا كەيىنگە شەگەرۋ كەرەك - سەناتور

5766
Adyrna.kz Telegram

سەناتورلار ۇكىمەتتەن "بانككە نەسيەسىن تولەي الماعان ازاماتتاردىڭ جاعدايى جاقسارعانشا قارىزدى تولەۋ مەرزىمىن كەيىنگە شەگەرۋدى" سۇرادى، دەپ حابارلايدى “ادىرنا” ۇلتتىق پورتالى “ينفورمبيۋرو” جاڭالىقتار قىزمەتىنە سىلتەمە جاساپ. 

سەناتورلار حالىقتىڭ كەپىلدە تۇرعان باسپاناسىنىڭ "پايداسىن" بانك قىزمەتكەرلەرى كورەدى دەيدى. ويتكەنى اۋكتسيونداعى مۇلىكتى كوبىنە نارىقتاعى باعاسىنان الدەقايدا ارزانعا جەكە تۇلعالار ەمەس، بانك ساتىپ الادى. مىسالى، 2015-2018 جىلدار ارالىعىندا اۋكتسيونعا شىعارىلعان مۇلىكتىڭ 78 پروتسەنتىن قارجى ۇيىمدارى ساتىپ العان. اۋكتسيون دەگەن اتى بولماسا، وعان كوبىنە بانك قىزمەتكەرلەرىنىڭ وزدەرى قاتىسادى. باس پروكۋراتۋرانىڭ ءوزى كەپىلدەگى مۇلىكتى ەلەكتروندى ساتۋ كەزىندە باسەكەلەستىكتىڭ بولمايتىنىن مالىمدەدى.

دەپۋتاتتار ەندى اۋكتسيونعا بانكتەر قاتىسپايتىنداي زاڭ قابىلدايىق دەپ وتىر. سونداي-اق، اتىنداعى جالعىز باسپاناسى كەپىلدە بولىپ، نەسيەسىن تولەي الماعان ازاماتتاردىڭ ءۇيىن ەشكىم تارتىپ الماسىن دەيدى.

“ولاردى قىسپاققا الا بەرمەي، ولار قارجىلىق جاعدايىن تۇزەگەنشە ءبىر مۇمكىندىك جاساۋدى بانكتەر قاراۋ كەرەك. جالعىز ۇيىنىنە ايىرىلىپ جاتقان ازاماتتار، كوپ بالالى وتباسىلاردىڭ جاعدايىن بىلەمىز. وسىعان بايلانىستى ماسەلەنى شەشۋ كەرەك”، – دەيدى قر پارلامەنتى سەناتىنىڭ دەپۋتاتى ءلاززات سۇلەيمەن. 

دەپۋتاتتار ۇكىمەتتەن قارىزىن تولەي الماعاننىڭ وزىندە، جالعىز باسپاناسى بار ازاماتتار سول ۇيدە ۋاقىتشا قالۋعا  نەمەسە مەملەكەتتىك باعدارلامامەن سالىنعان پاتەردە تۇرۋعا مۇمكىندىك بەرۋدى سۇراپ وتىر. سونداي-اق، جەكە سوت ورىنداۋشىلارىنىڭ قىزمەتىنە مەملەكەتتىك باقىلاۋدى كۇشەيتەيىك دەدى.

ياعني، جەكە سوت ورىنداۋشىسى جۇمىسىن دۇرىس ورىنداماسا جاۋاپكەرشىلىككە تارتىلۋى ءتيىس. ەگەر بىلىكتىلىگى ارتاتىن بولسا، سايكەسىنشە جاۋاپكەرشىلىگى دە كۇشەيسىن دەيدى. سەناتورلاردىڭ سوزىنشە بانككە قارىزىن تولەي الماعان ازاماتتاردى جەكە سوت ورىنداۋشىلارى شەكتەن تىس قىسپاققا الادى.

ايتا كەتەيىك، بيىل شىلدە مەن قىركۇيەك ارالىعىندا ەلىمىزدە قوزعالعان 7 مىڭنان استام اكىمشىلىك ءىستىڭ 2338-ءى جەك سوت ورىنداۋشىلارىنا قاتىستى بولعان. 

“ادىرنا” ۇلتتىق پورتالى

پىكىرلەر