Kredıtti tóleı almaǵan azamattardyń qaryzyn jaǵdaıy jaqsarǵansha keıinge shegerý kerek - SENATOR

5770
Adyrna.kz Telegram

Senatorlar úkimetten "bankke nesıesin tóleı almaǵan azamattardyń jaǵdaıy jaqsarǵansha qaryzdy tóleý merzimin keıinge shegerýdi" surady, dep habarlaıdy “Adyrna” ulttyq portaly “Informbıýro” jańalyqtar qyzmetine silteme jasap. 

Senatorlar halyqtyń kepilde turǵan baspanasynyń "paıdasyn" bank qyzmetkerleri kóredi deıdi. Óıtkeni aýkıondaǵy múlikti kóbine naryqtaǵy baǵasynan áldeqaıda arzanǵa jeke tulǵalar emes, bank satyp alady. Mysaly, 2015-2018 jyldar aralyǵynda aýkıonǵa shyǵarylǵan múliktiń 78 proentin qarjy uıymdary satyp alǵan. Aýkıon degen aty bolmasa, oǵan kóbine bank qyzmetkerleriniń ózderi qatysady. Bas prokýratýranyń ózi kepildegi múlikti elektrondy satý kezinde básekelestiktiń bolmaıtynyn málimdedi.

Depýtattar endi aýkıonǵa bankter qatyspaıtyndaı zań qabyldaıyq dep otyr. Sondaı-aq, atyndaǵy jalǵyz baspanasy kepilde bolyp, nesıesin tóleı almaǵan azamattardyń úıin eshkim tartyp almasyn deıdi.

“Olardy qyspaqqa ala bermeı, olar qarjylyq jaǵdaıyn túzegenshe bir múmkindik jasaýdy bankter qaraý kerek. Jalǵyz úıinine aıyrylyp jatqan azamattar, kóp balaly otbasylardyń jaǵdaıyn bilemiz. Osyǵan baılanysty máseleni sheshý kerek”, – deıdi QR Parlamenti senatynyń depýtaty Lázzat Súleımen. 

Depýtattar úkimetten qaryzyn tóleı almaǵannyń ózinde, jalǵyz baspanasy bar azamattar sol úıde ýaqytsha qalýǵa  nemese memlekettik baǵdarlamamen salynǵan páterde turýǵa múmkindik berýdi surap otyr. Sondaı-aq, jeke sot oryndaýshylarynyń qyzmetine memlekettik baqylaýdy kúsheıteıik dedi.

Iaǵnı, jeke sot oryndaýshysy jumysyn durys oryndamasa jaýapkershilikke tartylýy tıis. Eger biliktiligi artatyn bolsa, sáıkesinshe jaýapkershiligi de kúsheısin deıdi. Senatorlardyń sózinshe bankke qaryzyn tóleı almaǵan azamattardy jeke sot oryndaýshylary shekten tys qyspaqqa alady.

Aıta keteıik, bıyl shilde men qyrkúıek aralyǵynda elimizde qozǵalǵan 7 myńnan astam ákimshilik istiń 2338-i jek sot oryndaýshylaryna qatysty bolǵan. 

“Adyrna” ulttyq portaly

Pikirler