قازاقستان شەتەلدەن 640 ملرد تەڭگە قارىز الماق. سەنات توراعاسى ەكونوميكالىق ءوسىمدى قامتۋ ءۇشىن ىشكى رەسۋرستاردى ىزدەۋ قاجەتتىگىن ايتتى ، دەپ حابارلايدى "ادىرنا" ۇلتتىق پورتالى turkystan.kz-كە سىلتەپ.
ماۋلەن اشىمباەۆتىڭ سوزىنشە، ءبىزدىڭ ەكونوميكا مۇنايدىڭ باعاسىنا بايلانعان. بۇل – دۇرىس ەمەس. ونىڭ ويىنشا، بۇل ءوز كەزەگىندە بيۋدجەت تاپشىلىعىنا اسەر ەتەدى. ال بيۋدجەت تاپشىلىعى سالدارىنان سىرتتان قارىز الۋعا تۋرا كەلەتىن كورىنەدى.
«ءبىر جاعىنان، بانكتەر ەكونوميكانى نەسيەلەندىرمەيدى نەمەسە جوعارى پايىزدىق مولشەرلەمەمەن نەسيە بەرمەيدى. ەكىنشى جاعىنان، ءبىز حالىقتىڭ اقشاسى ارقىلى شاعىن ورتا بيزنەس ءۇشىن پايىزدىق مولشەرلەمەنى سۋبسيديالايمىز. تەك «دامۋ» قورىنىڭ جەلىسى بويىنشا بيىل 170 ميلليارد تەڭگە بولەمىز. وسىلايشا، ءبىز جوعارى پايىزدىق مولشەرلەمەنى ساقتاي وتىرىپ، سونى تومەندەتۋگە تاعى بيۋدجەتتەن جۇمساپ وتىرمىز. البەتتە، بۇل مەملەكەتتىك ورگاندارعا دا، بانكتەرگە دە قولايلى. ويتكەنى تاۋەكەل مەن جاۋاپكەرشىلىك از.
بيۋدجەت تاپشىلىعى 3,3% دەڭگەيىندە قالىپ وتىر. ونى تولتىرۋ ءۇشىن سىرتتان 640 ملرد تەڭگە الىنادى. ال ىشكى كوزدەر 780 ملرد-قا تومەندەتىلەدى. سوندا ءبىر جىل ىشىندە تاپشىلىق بولماشى كۇيدە عانا جابىلىپ وتىر. بىراق بىزدە قاراجات جوق دەپ ايتۋ دۇرىس ەمەس، ىشكى رەسۋرستار بار»، – دەدى سەنات توراعاسى ماۋلەن اشىمباەۆ.
"ادىرنا" ۇلتتىق پورتالى
