اتاپ ايتقاندا، ميراس سپورت كەشەنى. مۇندا 5 پەن 18 جاس ارالىعىنداعى بالالار مەن جاسوسپىرىمدەر فۋتبول مەن دزيۋدو سەكتسياسىنا تەگىن قاتىسا الادى.
جاڭا فۋتبول الاڭىندا 13 جاسقا دەيىنگى بالالارعا ارنالعان رەسپۋبليكالىق جانە حالىقارالىق تۋرنيرلەر وتكىزۋگە بولادى. جاڭا سپورت نىسانىنىڭ اشىلۋى كۇزگە جوسپارلانعان.
سونداي-اق، بوكستان الەم چەمپونى ءبىرجان جاقىپوۆتىڭ «ءالي سپورت» كلۋبى دا بوكس پەن دزيۋدودان بولاشاق چەمپيونداردى تاربيەلەۋدە. مۇندا 200 -گە جۋىق بالا سپورتتان ءتالىم الىپ ءجۇر. جاس سپورتشىلاردى العا قاراي قۇلشىندىرۋشى - ءبىرجان جاقىپوۆتىڭ ءوزى. ول الەم چەمپيونى جانە وليمپيادا ويىندارىنا قاتىسۋشى.
ال قىزىلجار شاعىناۋدانىنداعى سپورت كەشەنىندە ۇلدار مەن قىزدار بوكس، دزيۋدو، گرەك-ريم كۇرەسى جانە كاراتەمەن تەگىن شۇعىلدانا الادى. كلۋب كاراتە مەن كۇرەستەن العاشقى چەمپيوندارىن دايىنداپ شىعاردى.
مەملەكەت باسشىسىنىڭ جولداۋىنا سايكەس، قازاقستاندىقتاردىڭ 35 پايىزى بۇقارالىق سپورتپەن قامتىلۋى ءتيىس. وسىعان بايلانىستى قالا اۋماعىندا ءاربىر قالا تۇرعىنىن سپورتپەن قامتۋ ءۇشىن كوپتەگەن سپورت الاڭدارىنىڭ قۇرىلىسى جوسپارلانىپ وتىر.
