Atap aıtqanda, Mıras sport kesheni. Munda 5 pen 18 jas aralyǵyndaǵy balalar men jasóspirimder fýtbol men dzıýdo sekııasyna tegin qatysa alady.
Jańa fýtbol alańynda 13 jasqa deıingi balalarǵa arnalǵan respýblıkalyq jáne halyqaralyq týrnırler ótkizýge bolady. Jańa sport nysanynyń ashylýy kúzge josparlanǵan.
Sondaı-aq, bokstan álem chempony Birjan Jaqypovtyń «Álı sport» klýby da boks pen dzıýdodan bolashaq chempıondardy tárbıeleýde. Munda 200 -ge jýyq bala sporttan tálim alyp júr. Jas sportshylardy alǵa qaraı qulshyndyrýshy - Birjan Jaqypovtyń ózi. Ol álem chempıony jáne Olımpıada oıyndaryna qatysýshy.
Al Qyzyljar shaǵynaýdanyndaǵy sport kesheninde uldar men qyzdar boks, dzıýdo, grek-rım kúresi jáne karatemen tegin shuǵyldana alady. Klýb karate men kúresten alǵashqy chempıondaryn daıyndap shyǵardy.
Memleket basshysynyń Joldaýyna sáıkes, qazaqstandyqtardyń 35 paıyzy buqaralyq sportpen qamtylýy tıis. Osyǵan baılanysty qala aýmaǵynda árbir qala turǵynyn sportpen qamtý úshin kóptegen sport alańdarynyń qurylysy josparlanyp otyr.
