ا. تسوي شىمكەنتتەگى بىرقاتار مەديتسينالىق ۇيىمداردى ارالادى

1096
Adyrna.kz Telegram

بۇگىن دەنساۋلىق ساقتاۋ ءمينيسترى الەكسەي تسوي شىمكەنتكە جۇمىس ساپارى اياسىندا قالانىڭ بىرقاتار مەديتسينالىق ۇيىمدارىنا باردى.

ا.تسوي №3 قالالىق ەمحانادا بولىپ، ەمدەۋ مەكەمەسىندەگى ەگۋ كابينەتتەرىن قاراپ، ۆاكتسيناتسيا بارىسىن تەكسەردى، سونداي-اق ءموبيلدى بريگادالاردىڭ جۇمىسىمەن تانىستى. ەمحانانىڭ باس دارىگەرىمەن اڭگىمەلەسۋ بارىسىندا مينيستر ءموبيلدى بريگادالاردىڭ سانىن ارتتىرۋدى تاپسىردى. ءمينيستردىڭ ايتۋىنشا، ەگەر العاشقى مەديتسينالىق كومەكتىڭ ساپاسى جاقسارسا، ناۋقاستار ستاتسيونارلارعا اسقىنعان كۇيدە كىرمەيدى.

سونداي-اق، ا.تسوي قالالىق جەدەل مەديتسينالىق جاردەم ستانتسياسىنىڭ call-ورتالىعىنىڭ قىزمەتىمەن تانىستى. ءبىر جىل بۇرىن call-ورتالىق جانىنان سيمۋلياتسيالىق ورتالىق اشىلدى، وندا جەدەل مەديتسينالىق جاردەم قىزمەتكەرلەرى شاقىرۋلاردى قابىلداۋعا ۇيرەتەدى جانە مانەكەندەردە ءتۇرلى دياگنوزدارى بار پاتسيەنتتەرگە كومەك كورسەتۋ الگوريتمىن پىسىقتايدى.
مينيسترگە جەدەل مەديتسينالىق جاردەم call-ورتالىعى ءبىر اۋىسىمدا 30 ديسپەتچەر قىزمەت كورسەتەتىنىن حابارلادى. دەلتا شتاممىنان تۋىنداعان كوروناۆيرۋستىق ينفەكتسيانىڭ پاندەمياسىنا بايلانىستى قوڭىراۋلار سانى تاۋلىگىنە 4-5 مىڭعا دەيىن ءوستى. جەدەل جاردەم قىزمەتكەرلەرى كۇشەيتىلگەن رەجيمدە جۇمىس ىستەيدى، دەگەنمەن ناۋقاستارعا ۋاقىتىلى مەديتسينالىق كومەك كورسەتەدى.

دەنساۋلىق ساقتاۋ ءمينيسترى پاندەميامەن كۇرەستە الدىڭعى قاتاردا جۇمىس ىستەيتىن جەدەل جاردەم قىزمەتكەرلەرىنىڭ جۇمىسىن جوعارى باعالاپ، ريزاشىلىعىن ءبىلدىردى.

پىكىرلەر