شىمكەنتتە كاۆاساكي تارىزدەس سيندرومعا شالدىققان بەس جاسار بالا اۋرۋحانادان ساۋىعىپ شىعىپ، وتباسىنا ورالدى. اۋىر جاعدايدا جانساقتاۋ بولىمىنە تۇسكەن بالاقايعا دارىگەرلەر شۇعىل تۇردە رەانيماتسيالىق كومەك كورسەتىپ، ءومىرىن امان الىپ قالدى.
قاۋىپتى ينفەكتسياعا شالدىققان بالانى ەمدەۋ ءۇشىن دارىگەرلەر ەكى اپتادان اسا ەمدەۋ شارالارىن جۇرگىزىپ، وڭ ناتيجەگە قول جەتكىزگەن.
ەسكە سالا كەتەيىك، اعىمداعى جىلدىڭ 30-شىلە كۇنى «اسار» شاعىن اۋدانىنداعى بالالار اۋرۋحاناسىنا جەدەل جاردەم قىزمەتىمەن بەس جاسار بالا اۋىر حالدە جەتكىزىلگەن.
ناۋقاس بالا جەتى كۇندەي جانساقتاۋ بولىمىندە جاتقان. الىنعان سىناما ناتيجەسىندە كاۆاساكي تارىزدەس سيندروم انىقتالعان.
ەمدەۋ شارالارىمەن قاتار ماماندار ينفەكتسياعا شالدىققان بالانىڭ اعزاسىنداعى وزگەرىستەردى دەر كەزىندە انىقتاپ، ومىرىنە تونگەن قاۋىپتى الدىن العان.
قاۋىپتى ينفەكتسيادان جازىلىپ شىققان بالاقاي ەندى جەرگىلىكتى تىركەلگەن ەمحاناداعى دارىگەرلەردىڭ باقىلاۋىنا بولادى.
ايتا كەتەيىك، جىل باسىنان بەرى قالادا كاۆاساكي تارىزدەس سيندروم ەكى بالادان انىقتالعان. قاۋىپتى ينفەكتسيا كوروناۆيرۋستىڭ اسقىنۋ سالدارىنان پايدا بولادى.
