Shymkentte kavasakı tárizdes sındromǵa shaldyqqan bes jasar bala aýrýhanadan saýyǵyp shyǵyp, otbasyna oraldy. Aýyr jaǵdaıda jansaqtaý bólimine túsken balaqaıǵa dárigerler shuǵyl túrde reanımaııalyq kómek kórsetip, ómirin aman alyp qaldy.
Qaýipti ınfekııaǵa shaldyqqan balany emdeý úshin dárigerler eki aptadan asa emdeý sharalaryn júrgizip, oń nátıjege qol jetkizgen.
Eske sala keteıik, aǵymdaǵy jyldyń 30-shile kúni «Asar» shaǵyn aýdanyndaǵy balalar aýrýhanasyna jedel járdem qyzmetimen bes jasar bala aýyr halde jetkizilgen.
Naýqas bala jeti kúndeı jansaqtaý bóliminde jatqan. Alynǵan synama nátıjesinde kavasakı tárizdes sındrom anyqtalǵan.
Emdeý sharalarymen qatar mamandar ınfekııaǵa shaldyqqan balanyń aǵzasyndaǵy ózgeristerdi der kezinde anyqtap, ómirine tóngen qaýipti aldyn alǵan.
Qaýipti ınfekııadan jazylyp shyqqan balaqaı endi jergilikti tirkelgen emhanadaǵy dárigerlerdiń baqylaýyna bolady.
Aıta keteıik, jyl basynan beri qalada kavasakı tárizdes sındrom eki baladan anyqtalǵan. Qaýipti ınfekııa koronavırýstyń asqyný saldarynan paıda bolady.
