ەلوردادا التى بالا گازعا ۋلانىپ اۋرۋحاناعا ءتۇستى

3752
Adyrna.kz Telegram

نۇر-سۇلتان قالاسىندا التى بالا ۋلى گازدىڭ يىسىنە تۇنشىعىپ، اۋرۋحاناعا ءتۇستى، دەپ حابارلايدى "ادىرنا" ۇلتتىق پورتالى.

توتەنشەلىكتەردىڭ ايتۋىنشا، بالالاردى دەر كەزىندە قۇتقارعان. وتباسى ەلوردا ماڭىنداعى ساياجايدىڭ بىرىنە قىركۇيەكتە كوشىپ كەلگەن. بارلىعى كوك تۇتىنگە ۋلانىپ ورتاشا جاعدايدا اۋرۋحاناعا تۇسكەن.

ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مەملەكەتتىك ءورت باقىلاۋ باسقارماسىنىڭ باس مامانى بالالار اۋرۋحاناعا جەتكىزىلگەنىن ايتتى.

- تاڭعى ساعات 7.40-تا ساياجايداعى ۇيدە 6 بالا ءيىس ءتيىپ، ۋلاندى. ءبىز تەكسەرىس جۇرگىزدىك. كەيىن وتباسىنىڭ قىزىلوردا وبلىسىنان نۇر-سۇلتانعا قىركۇيەكتە كوشىپ كەلگەنىن انىقتادىق. بالالار 2009, 2011, 2013, 2017, 2020, 2021 جىلدارى تۋعان — دەدى ايگەرىم رايىمقۇلوۆا.

سونداي-اق، بريفينگ بارىسىندا ۋلى گاز داتچيكتەردى ورناتۋدىڭ پايداسى دا ايتىلدى. ماسەلەن، سوڭعى 3 جىلدا تۇرعىن ۇيلەرگە ورناتىلعان 135 مىڭنان استام اۆتونومدى داتچيكتەر ارقىلى 140 ازامات امان قالعان.

"ادىرنا" ۇلتتىق پورتالى

پىكىرلەر