Nur-Sultan qalasynda alty bala ýly gazdyń ıisine tunshyǵyp, aýrýhanaǵa tústi, dep habarlaıdy "Adyrna" ulttyq portaly.
Tótenshelikterdiń aıtýynsha, balalardy der kezinde qutqarǵan. Otbasy elorda mańyndaǵy saıajaıdyń birine qyrkúıekte kóship kelgen. Barlyǵy kók tútinge ýlanyp ortasha jaǵdaıda aýrýhanaǵa túsken.
Ortalyq kommýnıkaııalar qyzmetinde ótken baspasóz máslıhatynda Memlekettik órt baqylaý basqarmasynyń bas mamany balalar aýrýhanaǵa jetkizilgenin aıtty.
- Tańǵy saǵat 7.40-ta saıajaıdaǵy úıde 6 bala ıis tıip, ýlandy. Biz tekseris júrgizdik. Keıin otbasynyń Qyzylorda oblysynan Nur-Sultanǵa qyrkúıekte kóship kelgenin anyqtadyq. Balalar 2009, 2011, 2013, 2017, 2020, 2021 jyldary týǵan — dedi Áıgerim Raıymqulova.
Sondaı-aq, brıfıng barysynda ýly gaz datchıkterdi ornatýdyń paıdasy da aıtyldy. Máselen, sońǵy 3 jylda turǵyn úılerge ornatylǵan 135 myńnan astam avtonomdy datchıkter arqyly 140 azamat aman qalǵan.
"Adyrna" ulttyq portaly
