بۇگىن ەلورداداعى «كازمەديا» ورتالىعىندا «WorldSkills Kazakhstan – 2021» ۇلتتىق چەمپيوناتىنىڭ اشىلۋ سالتاناتى ءوتتى.
شىمكەنت قالاسىنان چەمپيوناتقا جولداما العان، 32 قۇزىرەتتىلىك بويىنشا قالامىزدىڭ نامىسىن قورعايتىن 33 قاتىسۋشى - ستۋدەنتتەرىمىز بار.
رەسپۋبليكا اۋماعىندا وسىمەن التىنشى رەت وتكىزىلگەلى وتىرعان ۇلتتىق چەمپيوناتقا ەلىمىزدىڭ بارلىق وڭىرلەرىنەن قاتىسۋشى كوللەدج ستۋدەنتتەرىنىڭ 600-گە جۋىق ستۋدەنتى قاتىسقالى وتىر. چەمپيونات قازاقستاننىڭ 8 ءوڭىرىنىڭ ءوندىرىس الاڭدارىندا 1 اي كولەمىندە وتكىزىلمەك.
WorldSkills – ءوز ءىسىنىڭ ۇزدىكتەرىن انىقتايتىن، جۇمىسشى كاسىبىنىڭ مارتەبەسىن ارتتىرىپ، كاسىبيلىكتى ناسيحاتتايتىن جاحاندىق جوبا.
قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ايماعامبەتوۆ چەمپيوناتتىڭ اشىلۋ سالتاناتىنداعى سويلەگەن سوزىندە، بۇگىنگى شارانىڭ حالىقارالىق ستاندارتتار نەگىزىندە تەحنيكالىق ماماندىقتار بويىنشا ءوندىرىس ورىندارى سالاسىن جوعارى تەحنولوگيانى جەتىك مەڭگەرگەن جاس ماماندارمەن قامتاماسىز ەتۋدە ماڭىزى زور ەكەندىگىن اتاپ ءوتتى.
سونداي-اق، باس ۇستاز تەحنيكالىق جانە كاسىپتىك ءبىلىم جۇيەسىندەگى يندۋستريالدى-يننوۆاتسيالىق دامۋ تالاپتارىنا سايكەس جۇزەگە اسىرىلىپ جاتقان جوبالار اياسىندا جۇمىسشى ماماندارىن دايارلاۋدىڭ ينفراقۇرىلىمىن دامىتۋ، «جاس مامان» جوباسى بويىنشا وقۋ باعدارلامالارىن قايتا قاراپ، مودەرنيزاتسيالاۋ، كادرلاردى ەڭبەك نارىعىنا سايكەستەندىرۋ ماسەلەلەرىنە توقتالىپ ءوتتى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
