«ەڭبەك» باعدارلاماسىنا حالىقتىڭ سەنىمى كۇننەن-كۇنگە ارتىپ كەلەدى. سوندىقتان دا اتالعان باعدارلاما ارقىلى جۇمىسقا ورنالاسۋشىلاردىڭ سانى وسۋدە. ونىڭ ىشىندە تۇراقتى جۇمىسىن تاۋىپ، تىرشىلىگىن جالعاستىرىپ جاتقاندار دا وتە كوپ.
بۇل تۋرالى شىمكەنتتىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆانىڭ 9 ايلىق ەسەبىندە دە ايتىلدى.
ەسەپتە كورسەتىلگەندەي باسقارمادا 2021 جىلى «ەڭبەك» باعدارلاماسى شەڭبەرىندە 33 500 ادامدى جۇمىسپەن قامتۋ شارالارىنا قاتىستىرۋ جوسپارلانعان. بۇگىنگى كۇنى 19 347 ادام جۇمىسقا ورنالاسقان.
ال «باستاۋ بيزنەس» جوباسىمەن كاسىپكەرلىك كۋرسىنا باعدارلامانىڭ ءى باعىتى بويىنشا 2 675 ادام 3 ايلىق كاسىپتىك وقىتۋ كۋرستارىنا، ءىى باعىتى بويىنشا 2 155 ادام وقىتۋعا جىبەرىلدى. سونداي-اق، باعدارلاماعا قاتىسۋشىلارعا جاڭا بيزنەس-يدەيالاردى ىسكە اسىرۋ ءۇشىن 53 ادامعا شاعىن نەسيە بەرىلىپ، 584 ادامعا مەملەكەتتىك گرانت بەرىلدى.
باعدارلامانىڭ ءىىى حالىقتى جۇمىسپەن قامتۋعا جاردەمدەسۋ باعىتى بويىنشا جۇمىستار ءوز ناتيجەسىن بەرۋدە. بۇل باعىت بويىنشا بۇگىندە 8 168 ادام بوس جانە جاڭا جۇمىس ورىندارعا، 336 ادام الەۋمەتتىك جۇمىستارعا جولداندى.
ال جاستار پراكتيكاسىنا 2 531 ادام، قوعامدىق جۇمىسقا 2 845 ادام جانە 115 ادام «العاشقى جۇمىس ورىندارى» جوباسى بويىنشا 24 ايعا جولداندى.
سونداي-اق، باسقارما باسشىسىنىڭ ەسەبىندە ءوز ەسەبىندە حالىقتى الەۋمەتتىك قورعاۋ باعىتى بويىنشا وسى جىلدىڭ ءى، ءىى جانە ءىىى توقسانى بويىنشا 87 264 وتباسىعا مەملەكەتتىك اتاۋلى الەۋمەتتىك كومەكتىڭ تولەنگەنى دە ايتىلدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
