«Eńbek» baǵdarlamasyna halyqtyń senimi kúnnen-kúnge artyp keledi. Sondyqtan da atalǵan baǵdarlama arqyly jumysqa ornalasýshylardyń sany ósýde. Onyń ishinde turaqty jumysyn taýyp, tirshiligin jalǵastyryp jatqandar da óte kóp.
Bul týraly Shymkenttiń Jumyspen qamtý jáne áleýmettik qorǵaý basqarmasynyń basshysy B.Narbekovanyń 9 aılyq esebinde de aıtyldy.
Esepte kórsetilgendeı basqarmada 2021 jyly «Eńbek» baǵdarlamasy sheńberinde 33 500 adamdy jumyspen qamtý sharalaryna qatystyrý josparlanǵan. Búgingi kúni 19 347 adam jumysqa ornalasqan.
Al «Bastaý bıznes» jobasymen kásipkerlik kýrsyna baǵdarlamanyń I baǵyty boıynsha 2 675 adam 3 aılyq kásiptik oqytý kýrstaryna, II baǵyty boıynsha 2 155 adam oqytýǵa jiberildi. Sondaı-aq, baǵdarlamaǵa qatysýshylarǵa jańa bıznes-ıdeıalardy iske asyrý úshin 53 adamǵa shaǵyn nesıe berilip, 584 adamǵa memlekettik grant berildi.
Baǵdarlamanyń III halyqty jumyspen qamtýǵa járdemdesý baǵyty boıynsha jumystar óz nátıjesin berýde. Bul baǵyt boıynsha búginde 8 168 adam bos jáne jańa jumys oryndarǵa, 336 adam áleýmettik jumystarǵa joldandy.
Al jastar praktıkasyna 2 531 adam, qoǵamdyq jumysqa 2 845 adam jáne 115 adam «Alǵashqy jumys oryndary» jobasy boıynsha 24 aıǵa joldandy.
Sondaı-aq, basqarma basshysynyń esebinde óz esebinde halyqty áleýmettik qorǵaý baǵyty boıynsha osy jyldyń I, II jáne III toqsany boıynsha 87 264 otbasyǵa memlekettik ataýly áleýmettik kómektiń tólengeni de aıtyldy.
Shymkent qalasynyń Aqparattyq-kommýnıkaııalyq ortalyǵy
