ۇلتتىق «WORLDSKILLS KAZAHSTAN - 2021» چەمپيوناتىندا شىمكەنتتە 33 قاتىۋشى جولداما ۇتىپ الدى

976

ۇلتتىق چەمپيونات 2021 جىلدىڭ 1 قاراشاسى مەن 10 جەلتوقسان كۇندەرى ارالىعىندا قازاقستاننىڭ 7 وڭىرىندەگى ۇزدىك كوللەدجدەر بازاسى مەن ءوندىرىس ورىندارىندا بەلگىلەنگەن.

شىمكەنت قالاسىنان «WorldSkills Kazakhstan - 2021» كاسىپتىك شەبەرلىكتىڭ ۇلتتىق چەمپيوناتىنا 32 قۇزىرەتتىلىك بويىنشا 33 قاتىسۋشى - وڭىرلىك كونكۋرستىڭ جەڭىمپازى اتاندى.

«WorldSkills Kazakhstan» چەمپيوناتىنىڭ ميسسياسى – جاستاردى حالىقارىلىق ستاندارتتار نەگىزىندە كاسىبي-تەحنيكالىق ماماندىقتار بويىنشا ءوندىرىس ورىندارى سالاسىن جوعارى تەحنولوگيانى جەتىك مەڭگەرگەن ماماندارمەن قامتاماسىز ەتۋ مەحانيزمىن قۇرۋ. WorldSkills قوزعالىسى بويىنشا رەسپۋبليكا جاستارى حالىقارىلىق كونكۋرستاردا دا ۇزدىك ناتيجە كورسەتىپ، جەڭىمپاز اتانۋدا.

شىمكەنت قالاسىنىڭ جەڭىمپاز قاتىسۋشىلارى ءسان تەحنولوگياسى، گرافيكالىق ديزاين، ۆەب-ديزاين جانە ازىرلەۋ، وندىرىستىك اۆتوماتيكا، بيزنەس ءۇشىن IT شەشىمدەر، ۇيالى روبوتوتەحنيكا، ينتەرنەت ۆەششەي، جەلىلىك جانە اكىمشىلىك باسقارۋ، جەڭىل اۆتوموبيلدەردى جوندەۋ جانە قىزمەت كورسەتۋ، جوندەۋ، شاناق جوندەۋ، ينجەنەرلىك گرافيكا CAD, دانەكەرلەۋ تەحنولوگياسى، ەلەكترومونتاج ءىسى، اقپاراتتىق كابەلدىك جەلىلەر، سانتەحنيكا جانە جىلىتۋ، اسپازدىق ءىس، كونديتەر ءىسى، مەديتسينالىق جانە الەۋمەتتىك كۇتىم، ماليارلىق جانە ساندىك جۇمىستار، فلوريستيكا، ۆيزۋالدى مەرچەندايزينگ جانە ۆيترينيستيكا، مەيرامحانا سەرۆيسى، ءپىسىرۋ شەبەرلىگى، اعاش ۇستاسى، شاتىر جۇمىسى، ديزەلدى قوزعالتقىشقا قىزمەت كورسەتۋ جانە جوندەۋ، ساندىق باعدارلامامەن باسقارىلاتىن ستانوكتاردا توكارلىق ءىس، كىرپىش قالاۋ، پليتكا جاپسىرۋ، شاشتاراز ونەرى، قوناق ءۇي اكىمشىسى، مەكتەپكە دەيىنگى تاربيە، مەديتسينا جانە الەۋمەتتىك كومەك قۇزىرەتتىلىكتەرى بويىنشا قاتىسادى دەپ كۇتىلۋدە. قاتىسۋشىلاردىڭ دايىندىق جۇمىستارى تاجىريبەلىك جۇمىس الاڭشالارىندا، وندىرىستىك ورىنداردا جۇرگىزىلدى.

ەلىمىزدە تەحنيكالىق جانە كاسىبي ءبىلىم بەرۋدىڭ ءتيىمدى جۇيەسى قالىپتاستىرىلىپ، كوللەدجدەر بازاسى «جاس مامان» جوباسى اياسىندا حالىقتارالىق ستاندارتتارعا سايكەس قۇرال-جابدىقتارمەن تولىقتىرىلىپ، مەملەكەت تاراپىنان جاستاردىڭ وسى زامانعى ۇزدىك ءبىلىم الۋىنا جاعداي جاسالۋدا.

شىمكەنت قالاسىنىڭ اقپاراتتىق-كوممۋنيكاتسيالىق ورتالىعى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket