بۇگىن اقپاراتتىق-كوممۋنيكاتسيالىق ورتالىعىندا شىمكەنت قالاسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى نۇرگۇل شامشيەۆانىڭ قاتىسۋىمەن بريفينگ ءوتتى.
وندا نۇرگۇل اقىلبەكقىزى شىمكەنت قالاسىنداعى مەملەكەتتىك مەكتەپتەردە جۇرگىزىلگەن كەشەندى مونيتورينگ قورىتىندىلارى تۋرالى ايتتى.
– شىمكەنت قالاسىنىڭ ءبىلىم سالاسىندا ساپانى قامتاماسىز ەتۋ دەپارتامەنتى قر ۇكىمەتىنىڭ جانىنداعى كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيا توراعاسىنىڭ جانە قر ءبىلىم جانە عىلىم ءمينيسترىنىڭ 2021 جىلعى 18 مامىرداعى ححح وتىرىسىندا بەرگەن حاتتامالىق تاپسىرماسىن ورىنداۋ ءۇشىن وسى جىلدىڭ ماۋسىم-شىلدە ايلارىندا قالاداعى 138 مەملەكەتتىك مەكتەپكە مونيتورينگ جۇرگىزدى. مونيتورينگ ماقساتى – ءبىلىم بەرۋ ۇيىمدارىنىڭ جاي-كۇيى مەن قاۋىپسىزدىگىن، ءبىلىم بەرۋ قىزمەتىنە قويىلاتىن بىلىكتىلىك تالاپتارىنا جانە ءبىلىم بەرۋ ۇيىمدارىنىڭ جابدىقتارمەن جانە جيھازبەن جابدىقتاۋدىڭ نورمالارىنا سايكەستىگىن باقىلاۋ، – دەدى دەپارتامەنت باسشىسى.
سپيكەردىڭ سوزىنشە، مونيتورينگ قورىتىندىلارى اتالعان ماسەلەلەر بويىنشا قالا مەكتەپتەرىندە پروبلەمالىق سۇراقتاردىڭ بار ەكەنىن كورسەتكەن. تەكسەرۋ ناتيجەسىندە بىرقاتار مەكتەپتىڭ ورتالىقتاندىرىلعان سۋ جۇيەسىنە قوسىلماعاندىعى، ينتەرنەت ماسەلەسى، ىستىق تاماقتى ۇيىمداستىرۋدا قىزمەتتەردى مەملەكەتتىك ساتىپ الۋ بويىنشا كونكۋرس وتكىزىلمەگەندىگى سياقتى ولقىلىقتار بايقالعان. بۇل تۋرالى قالا اكىمىمەن ءۇ.ج. 2 تامىزدا وتكەن كەزدەسۋ بارىسىندا جاسالعان باياندامادا اتاپ وتىلگەن. ال انىقتامالىق اقپارات قالالىق ءبىلىم باسقارماسىنا جىبەرىلگەن.
بريفينگ بارىسىندا نۇرگۇل اقىلبەكقىزى بيىل ليتسەنزياسىن العان №136, №137 جانە №138 مەكتەپتەرىنىڭ زامان تالابىنا ساي ەكەندىكتەرىن ەرەكشە اتاپ ءوتتى. الداعى ۋاقىتتا وسىنداي مەكتەپتەردىڭ سانى كوبەيسە دەگەن نيەتىن ءبىلدىردى.
سونىمەن قاتار، جەكە كاسىپكەرلەردىڭ مەنشىگىنە تيەسىلى «Adana»، «Abadan-successfull»، «TM and art Educational»، «شىڭعىس حان» سياقتى مەكتەپتەردىڭ زاماناۋي جابدىقتالىپ، ءبىلىم بەرۋدىڭ وزىق ۇلگىلەرىن قولداناتىندىعىن ايرىقشا جەتكىزدى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
فوتو: ەرنار مامىر
