تاۋەلسىزدىكتىڭ 30 جىلدىعى قارساڭىندا شىمكەنت قالاسىنىڭ قاراتاۋ اۋدانى «اقجايىق» شاعىناۋدانىندا 14 كوپقاباتتى ءۇيدىڭ 2 اۋلاسىندا بالالار ويىن الاڭشاسى مەن جاتتىعۋ ترەناجەرلارىن ورناتۋ جۇمىستارى جۇرگىزىلدى. مەردىگەر مەكەمە «نۇرەكازيابيزنەس» جشس جانە «اگروسپەتسمونتاج» جشس نىسانداردى قاراشا ايىندا تاپسىرۋدى جوسپارلاپ وتىر.
شىمكەنت قالاسىنىڭ اكىمى مۇرات ايتەنوۆ شاعىناۋدانداعى №63/27, 69/36, 37, 38, 40, 43, 44 ۇيلەردىڭ اۋلالارىندا ورنالاسقان بالالار ويىن الاڭشاسىنىڭ قۇرىلىسىمەن تانىسىپ، جۇمىس ساپاسىن باقىلادى. قالا اكىمى تۇرعىندارعا ەندى اباتتانعان اۋماقتى كۇتىپ-ۇستاۋ قاجەتتىگىن ايتتى.
بيىل اقجايىق، تۇران، اسار شاعىناۋداندارىندا 21 اۋلانى (39 ءۇي) اباتتاندىرۋ ءۇشىن 405,1 ملن تەڭگە قارجى قارالدى. قۇرىلىس جۇمىستارى قاراشادا اياقتالىپ، جاڭا نىساندار ەل يگىلىگىنە بەرىلەدى. شاھاردا اۋلالار جاڭارتىلىپ، قولايلى ورتا قالىپتاسىپ كەلەدى. ونىڭ ىشىندە «حالىق قاتىساتىن بيۋدجەت» جوباسى تابىستى ىسكە اسۋدا.
«ادىرنا» ۇلتتىق پورتالى
