Táýelsizdiktiń 30 jyldyǵy qarsańynda Shymkent qalasynyń Qarataý aýdany «Aqjaıyq» shaǵynaýdanynda 14 kópqabatty úıdiń 2 aýlasynda balalar oıyn alańshasy men jattyǵý trenajerlaryn ornatý jumystary júrgizildi. Merdiger mekeme «NurekAzııaBıznes» JShS jáne «AgroSpeMontaj» JShS nysandardy qarasha aıynda tapsyrýdy josparlap otyr.
Shymkent qalasynyń ákimi Murat Áıtenov shaǵynaýdandaǵy №63/27, 69/36, 37, 38, 40, 43, 44 úılerdiń aýlalarynda ornalasqan balalar oıyn alańshasynyń qurylysymen tanysyp, jumys sapasyn baqylady. Qala ákimi turǵyndarǵa endi abattanǵan aýmaqty kútip-ustaý qajettigin aıtty.
Bıyl Aqjaıyq, Turan, Asar shaǵynaýdandarynda 21 aýlany (39 úı) abattandyrý úshin 405,1 mln teńge qarjy qaraldy. Qurylys jumystary qarashada aıaqtalyp, jańa nysandar el ıgiligine beriledi. Shaharda aýlalar jańartylyp, qolaıly orta qalyptasyp keledi. Onyń ishinde «Halyq qatysatyn bıýdjet» jobasy tabysty iske asýda.
«Adyrna» ulttyq portaly
