شىمكەنتتە 369 ازاماتتىڭ تۇرعىن ءۇي سەرتيفيكاتىنا جولدانعان ءوتىنىمى ماقۇلدانىپ جەڭىلدەتىلگەن پايىزدىق نەسيەلىك باسپاناعا قول جەتكىزدى. ونىڭ ىشىندە 232 وتباسى «شاڭىراق» باعدارلاماسىنىڭ قاتىسۋشىلارى بولسا، 137-ءى «باقىتتى وتباسى» باعىتى ارقىلى ءوتىنىمى ماقۇلدانعاندار.
بۇگىندە تۇرعىن ءۇي سەرتيفيكاتىن الۋعا شىمكەنت قالاسى بويىنشا 1000-نان اسا ازامات ءوتىنىم جولداعان. الايدا 600-دەن اسا ازاماتتىڭ ءوتىنىمى تۇرعىن ءۇي سەرتيفيكاتىنىڭ تالاپ شارتتارىنا سايكەس كەلمەگەندىكتەن باس تارتىلعان.
تۇرعىن ءۇي سەرتيفيكاتى «نۇرلى جەر» مەملەكەتتىك باعدارلاماسى اياسىندا نەسيە نەگىزىندە «2-10-20»، «5-10-20»، «5-20-25» جانە «7-20-25» باعىتتارى بويىنشا تۇرعىن ءۇي الۋدى كوزدەگەن، تۇرعىن ءۇي سەرتيفيكاتتارىن الۋ تالاپتارىنا ساي كەلەتىن ءاربىر ازاماتقا 1 ميلليون تەڭگەگە دەيىن مولشەردە مەملەكەت تاراپىنان باستاپقى جارنا مولشەرىنىڭ ءبىر بولىگىن جابۋ ءۇشىن ۇسىنىلاتىن الەۋمەتتىك كومەك رەتىندە بەرىلۋدە.
«نۇرلى جەر» مەملەكەتتىك باعدارلاماسى اياسىندا نەسيەلىك باعىتتا باسپانالى بولۋعا نيەت بىلدىرگەن تۇلعا سوڭعى 6 ايدا وتباسىنىڭ جيىنتىق تابىسى ونىڭ ءاربىر مۇشەسىنە شاققاندا 106336,2 تەڭگەدەن اسپاعان جاعدايدا جانە تۇرعىن ءۇي ساتىپ الۋعا يپوتەكالىق تۇرعىن ءۇي قارىزىن بەرۋ تۋرالى بانكتىڭ ماقۇلداعان حاتى ارقىلى ازاماتتار تۇرعىن ءۇي سەرتيفيكاتىنا ءوتىنىم جىبەرە الادى.
«ادىرنا» ۇلتتىق پورتالى
