ءبىر شىمكەنتتىك باۋىرىممەن سويلەسىپ قالدىم. ايىنا 2-3 رەت تويعا باراسىڭ با دەسەم يا دەيدى.ءار تويعا نەشە اپاراسىڭ دەسەم الىستىعى مەن جاقىندىعىنا قاراي ارقالاي دەيدى. تابىسىڭنىڭ 20-30%-دايى تويعا كەتەتىن شىعار دەسەم يا دەيدى.
شىمكەنتتە ايلىق از، ورتاشا 150 000 تەڭگە شىعار. سونىڭ 20-30 مىڭى تويعا كەتسە نە بولادى دەسەم. "برات كورمەيسىڭ با، شىمكەنتتىكتەردىڭ تابىسى از بولسا دا، تويعا كوپ بارادى. تابىستارى بەرەكەلى عوي" دەيدى. بىلمەدىم ەتتىڭ باعاسى استانادان قىمبات، ازىق تۇلىك بىردەي. سەن تويعا بارادى ەكەن دەپ نان 50 تەڭگە بولىپ قالمايدى دەدىم. بىراق سەنىڭ بالاڭ اعىلشىن ءتىلىن وقيىن دەسە وعان مۇمكىندىك بەرمەيسىڭ، پلەيستەيشن العىسى كەلسە الا المايسىڭ، باسسەينگە بارا المايسىڭ، شەتەلگە شىعا المايسىڭ. سەبەبى ءسال ءپال ارتىلعان اقشاڭ مەن بالا شاعاڭنىڭ اۋزىنان جىرىپ ايىنا توي تويلاۋعا بارا بەرەسىڭ دەدىم. اناۋ ويلانىپ قالدى. نەگىزى وڭتۇستىكتە كوبىمىز وسىلاي ءومىر سۇرەتىن سياقتىمىز…
"ادىرنا" ۇلتتىق پورتالى
