“232 مىڭ تەڭگەگە ءبىر دوپ ساتىپ الماق بولعان”. شىمكەنتتەگى مەكتەپتىڭ جوسپارى

1944
Adyrna.kz Telegram

شىمكەنتتەگى مەكتەپتىڭ ءبىر باسكەتبول دوبىن - 232 مىڭ تەڭگەگە، ۆولەيبول دوبىن 42 مىڭ تەڭگەگە ساتىپ الماق بولعانى حابارلاندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى شىمكەنت قالاسى بويىنشا دەپارتامەنتىنىڭ باسشىسى داۋرەن ەرعارين Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.

جازبا بويىنشا، شىمكەنتتىڭ سىبايلاس جەمقورلىققا قارسى قىزمەتى بۇل ساتىپ الۋدىڭ الدىن الىپ، بيۋدجەتتىڭ 2,2 ملن تەڭگەدەن استام قاراجاتىن ۇنەمدەپ قالعان.

"قالالىق ءبىلىم باسقارماسىنىڭ «№90 دارىندى بالالارعا ارنالعان مامانداندىرىلعان مەكتەپ-گيمنازياسى» كمم مەملەكەتتىك ساتىپ الۋ جوسپارىندا 2,7 ملن بيۋدجەت قاراجاتىنا 20 دوپ الۋدى بەكىتكەن. تاۋاردىڭ ءاربىر بىرلىگى 2-دەن 10 ەسەگە دەيىن اسىرا باعالانىپ ەسەپتەلگەن. مەملەكەتتىك مەكەمە باسكەتبول دوبىن - 232 مىڭ تەڭگەگە، ال ۆولەيبول دوبىن 42 مىڭ تەڭگەگە ساتىپ الۋدى جوسپارلاعان، – دەپ جازدى ەرعارين.

دەپارتامەنت مەملەكەتتىك ساتىپ الۋدى ۇيىمداستىرۋشىنىڭ اتىنا جوسپاردىڭ تارماعىن قايتا قاراۋ تۋرالى ۇسىنىس حات جولدادى. ناتيجەسىندە 2,2 ملن تەڭگەدەن استام قارجى ۇنەمدەلگەن.

پىكىرلەر