قاسىم-جومارت توقاەۆ پەنجىمدەگى جاپپاي توبەلەسكە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
مەملەكەت باسشىسى قوعامداعى بىرلىك پەن تاتۋلىقتى ساقتاۋ جانە نىعايتۋ ماسەلەسىنە نازار اۋداردى.
«مەكتەپتە جاي عانا توبەلەس بولدى. بۇعان جول بەرمەۋ كەرەك ەدى. وقۋشىلاردىڭ مەكتەپ ىشىندە ءجۇرىپ جاراقات الۋى – توتەنشە جاعداي! ازاماتتارىمىزدىڭ نارازىلىعىق بىلدىرگەنى ورىندى، ولاردى تۇسىنۋگە بولادى. ودان كەيىن جاستار اراسىندا بۇزاقىلىققا جول بەرىلدى. بىراق مۇنداي جاعدايدىڭ الدىن الۋعا بولار ەدى. دەگەنمەن، ارەكەت بولمادى. اقپاراتتىق كەڭىستىكتە وسى وقيعا ەتنوسارالىق سيپات الدى. بۇل جەردە ەشقانداي دا ەتنوسارالىق جانجال بولعان جوق! الايدا ەلىمىزگە قارسى اراڭداتۋشىلار مەن قاسكويلەر اتالعان وقيعانى باسقا سيپاتتا كورسەتتى. وكىنىشتىسى، قۇقىق قورعاۋ ورگاندارىنىڭ دا، پرەزيدەنت اكىمشىلىگىنىڭ دە تاراپىنان مۇنداي اراڭداتۋشىلارعا قاتىستى ەش ارەكەت جاسالمادى. ءبىز شارا قولدانبايمىز با؟ مۇنداي اراڭداتۋشىلار ەلىمىزدىڭ ۇلتتىق قاۋىپسىزدىگىنە نۇقسان كەلتىرۋدە. سوندىقتان وسى وقيعادان دۇرىس شەشىم شىعارۋىمىز كەرەك، – دەدى پرەزيدەنت.
«ادىرنا» ۇلتتىق پورتالى
