Qasym-Jomart Toqaev Penjimdegi jappaı tóbeleske qatysty pikir bildirdi, dep habarlaıdy «Adyrna» tilshisi.
Memleket basshysy qoǵamdaǵy birlik pen tatýlyqty saqtaý jáne nyǵaıtý máselesine nazar aýdardy.
«Mektepte jaı ǵana tóbeles boldy. Buǵan jol bermeý kerek edi. Oqýshylardyń mektep ishinde júrip jaraqat alýy – tótenshe jaǵdaı! Azamattarymyzdyń narazylyǵyq bildirgeni oryndy, olardy túsinýge bolady. Odan keıin jastar arasynda buzaqylyqqa jol berildi. Biraq mundaı jaǵdaıdyń aldyn alýǵa bolar edi. Degenmen, áreket bolmady. Aqparattyq keńistikte osy oqıǵa etnosaralyq sıpat aldy. Bul jerde eshqandaı da etnosaralyq janjal bolǵan joq! Alaıda elimizge qarsy arańdatýshylar men qaskóıler atalǵan oqıǵany basqa sıpatta kórsetti. Ókinishtisi, quqyq qorǵaý organdarynyń da, Prezıdent Ákimshiliginiń de tarapynan mundaı arańdatýshylarǵa qatysty esh áreket jasalmady. Biz shara qoldanbaımyz ba? Mundaı arańdatýshylar elimizdiń ulttyq qaýipsizdigine nuqsan keltirýde. Sondyqtan osy oqıǵadan durys sheshim shyǵarýymyz kerek, – dedi Prezıdent.
«Adyrna» ulttyq portaly
