ومىردە بىرەۋلەر تۋا ءبىتتى تاڭعالارلىق داۋىسىمەن ەرەكشەلەنسە، ەندى ءبىرى ەشكىمنىڭ قولىنان كەلمەيتىن سۋرەتتەر سالۋمەن كوزگە تۇسەدى. ال ءسىز ءوز بويىڭىزدا قانداي قابىلەتتەر بارىن بىلگىڭىز كەلە مە؟ وندا تومەندەگى ءتورت ءتۇيىننىڭ ءبىرىن تاڭداڭىز.
ا ءتۇيىنى
قىزىق تاڭداۋ. ءسىز امبەباپ ادامسىز. تابيعات سىزگە بارلىعىن تەز يگەرىپ كەتۋ قاسيەتىن سىيعا تارتقان. سول سەبەپتى وزىڭىزگە كەز كەلگەن حوببي ءتۇرىن تاڭداپ الساڭىز بولادى. تابانداپ تۇرىپ الۋ كەرەك بولعان جەردە ەرىك-جىگەرىڭىز ارتىپ، بارلىعىنا ۇلگەرىپ جۇرەسىز. شىعارماشىلىق تابيعاتىڭىز بەن تەحنيكالىق اقىل قۇرىلىمى ءبىر ارنادا ۇيلەسىم تاپقان، سول قىرىڭىزبەن ەلدەن ەرەكشەسىز. وسى ۇيلەسىم كەز كەلگەن باعىتتا جەڭىسكە جەتۋگە كومەكتەسەدى.
ۆ ءتۇيىنى
ءسىز ساندارمەن «سەن» دەپ ەركىن سويلەسۋ ءۇشىن جارالعان جانسىز. سىزگە كەز كەلگەن عىلىمي باعىت ەسىگىن ايقارا اشادى. IT سالاسىندا كوپتەگەن جەتىستىككە جەتە الاسىز. جاڭا ونەرتابىس يەسى اتانۋىڭىز دا عاجاپ ەمەس. تابيعاتتى سىزگە بەرگەن ءبىر كەمشىلىگى، ءوز كۇشىڭىزگە سەنبەۋىڭىز. بار كۇماندى جەڭىپ، تەك العا باسۋىڭىز كەرەك. ءسىز بولاشاعىمىزدىڭ جارىق جۇلدىزىسىز، وسىنى ۇمىتپاڭىز. تاجىريبە جاساۋدان قورىقپاڭىز. باستىسى تسيفرلارعا «سەنىم ارتىڭىز»، سوندا بارلىعى جاقسى بولادى.
س ءتۇيىنى
ءسىزدىڭ جان دۇنيەڭىز باي، قيال الەمىڭىز تەڭىزدەي تەرەڭ، ادامداردى جەتەر جەرىنە جەتكىزەسىز. وزگەلەر ءسىزدىڭ ايتقانىڭىزدى ەكى ەتپەيدى، سىزگە سەنىم ارتاتىنى سونشا جەر تۇبىنە بولسا دا بىرگە بارۋعا دايار. ادامداردى سوزىڭىزگە سەندىرىپ، دۇرىس باعىت بەرە الاسىز. ءسىزدىڭ ىشىڭىزدە ناعىز پسيحولوگ جانە وت اۋىزدى، وراق ءتىلدى شەشەن جاتىر. كەرەمەت جازۋشى، جۋرناليست بولا الاسىز، ادامدارعا رۋحاني تۇرعىدا قولداۋ كورسەتۋدە سىزگە جەتەتىن جان جوق. جاقىندارىڭىزدىڭ كوپشىلىگى قيىندىعىن سىزبەن ءبولىسىپ، كەڭەس العىسى كەلەتىنىن بايقادىڭىز با؟ وندا ءبىز قاتەلەسپەگەن ەكەنبىز. سەبەبى ولار سىزدەن جان جەتەكشىسىنىڭ بەينەسىن كورەدى.
D ءتۇيىنى
ءسىز تۋا ءبىتتى كوشباسشىسىز. بويىڭىزدا تاباندىلىق قاسيەت جانىپ تۇر. كەز كەلگەن ماقساتقا دەر كەزىندە جەتۋ سەبەبىڭىز دە وسىدان. انا سۇتىمەن بەرىلگەن دارىنىڭىز وسى. ەڭ قيىن دەگەن جاعدايدىڭ ءوزىن شەشىپ، بارلىق جاعدايدا بارىنشا جەتىستىكپەن اياقتايسىز. ودان بولەك سىزدەن ەڭ جاقسى ەلشى شىعادى. كەز كەلگەن ادامنىڭ ءتىلىن تابۋ جولىن بىلەسىز.
«ادىرنا» ۇلتتىق پورتالى.
