Óz boıyńyzdaǵy qabiletterdi bilesiz be?

999

Ómirde bireýler týa bitti tańǵalarlyq daýysymen erekshelense, endi biri eshkimniń qolynan kelmeıtin sýretter salýmen kózge túsedi. Al siz óz boıyńyzda qandaı qabiletter baryn bilgińiz kele me? Onda tómendegi tórt túıinniń birin tańdańyz.

A túıini
Qyzyq tańdaý. Siz ámbebap adamsyz. Tabıǵat sizge barlyǵyn tez ıgerip ketý qasıetin syıǵa tartqan. Sol sebepti ózińizge kez kelgen hobbı túrin tańdap alsańyz bolady. Tabandap turyp alý kerek bolǵan jerde erik-jigerińiz artyp, barlyǵyna úlgerip júresiz. Shyǵarmashylyq tabıǵatyńyz ben tehnıkalyq aqyl qurylymy bir arnada úılesim tapqan, sol qyryńyzben elden erekshesiz. Osy úılesim kez kelgen baǵytta jeńiske jetýge kómektesedi.

V túıini
Siz sandarmen «sen» dep erkin sóılesý úshin jaralǵan jansyz. Sizge kez kelgen ǵylymı baǵyt esigin aıqara ashady. IT salasynda kóptegen jetistikke jete alasyz. Jańa ónertabys ıesi atanýyńyz da ǵajap emes. Tabıǵatty sizge bergen bir kemshiligi, óz kúshińizge senbeýińiz. Bar kúmándi jeńip, tek alǵa basýyńyz kerek. Siz bolashaǵymyzdyń jaryq juldyzysyz, osyny umytpańyz. Tájirıbe jasaýdan qoryqpańyz. Bastysy ıfrlarǵa «senim artyńyz», sonda barlyǵy jaqsy bolady.

S túıini

Sizdiń jan dúnıeńiz baı, qııal álemińiz teńizdeı tereń, adamdardy jeter jerine jetkizesiz. Ózgeler sizdiń aıtqanyńyzdy eki etpeıdi, sizge senim artatyny sonsha jer túbine bolsa da birge barýǵa daıar. Adamdardy sózińizge sendirip, durys baǵyt bere alasyz. Sizdiń ishińizde naǵyz psıholog jáne ot aýyzdy, oraq tildi sheshen jatyr. Keremet jazýshy, jýrnalıst bola alasyz, adamdarǵa rýhanı turǵyda qoldaý kórsetýde sizge jetetin jan joq. Jaqyndaryńyzdyń kópshiligi qıyndyǵyn sizben bólisip, keńes alǵysy keletinin baıqadyńyz ba? Onda biz qatelespegen ekenbiz. Sebebi olar sizden jan jetekshisiniń beınesin kóredi.

D túıini
Siz týa bitti kóshbasshysyz. Boıyńyzda tabandylyq qasıet janyp tur. Kez kelgen maqsatqa der kezinde jetý sebebińiz de osydan. Ana sútimen berilgen darynyńyz osy. Eń qıyn degen jaǵdaıdyń ózin sheship, barlyq jaǵdaıda barynsha jetistikpen aıaqtaısyz. Odan bólek sizden eń jaqsy elshi shyǵady. Kez kelgen adamnyń tilin tabý jolyn bilesiz.

 

 

«Adyrna» ulttyq portaly.

Pikirler
Uqsas jańalyqtar