1 قاراشادا الەۋمەتتىك جەلىدە الماتىداعى تۇرعىن ءۇي كەشەندەرىنىڭ ءبىرىنىڭ ليفتىندە ەر ادامنىڭ قالاي سوراقىلىق تانىتىپ، ءليفتىنىڭ باسقارۋ ءپۋلتىن سىندىرعانى تۇسىرىلگەن ۆيدەو تارادى، دەپ حابارلايدى "ادىرنا" سايتى.
ول ءليفتتىڭ پانەلدى تۇيمەلەرى مەن مونيتورىن اياعىمەن تەۋىپ جانە قولىمەن ۇرىپ سىندىردى. پوليتسيا قىزمەتكەرلەرى بۇزاقىنى تاۋىپ، كىم ەكەنىن انىقتادى.
پوليتسيا دەپارتامەنتى باستىعىنىڭ ورىنباسارى رۋستام ءابدىراحمانوۆتىڭ ايتۋىنشا، بۇل ءجۇنىسوۆ ت.ج. 1978 جىلى تۋعان.
ونىڭ ءىس-ارەكەتىندە ا.پ.-عا قاتىستى قىجك-ءنىڭ 434-بابىندا كوزدەلگەن اكىمشىلىك قۇقىق بۇزۋشىلىق بەلگىلەرى انىقتالعان. مۇنداي قىلىقتارعا جول بەرۋگە بولمايتىنىن ەسكە سالا كەتەيىن، – دەپ جازدى ءابدىراحمانوۆ.
بۇل «ۇساق بۇزاقىلىق» بابى 5 اەك (14 585 تەڭگە) كولەمىندە ايىپپۇل سالۋعا نەمەسە ون تاۋلىككە دەيىن اكىمشىلىك قاماققا الۋعا جازالانادى.
كەيىن رۋستام ءابدىراحمانوۆ بۇل كىسىنىڭ جاساعان قۇقىق بۇزۋشىلىقتارى جاريا بولعان سوڭ، جۇرت الدىندا كەشىرىم سۇراعانىن ايتتى.
بۇل رەتتە ول كەشىرىم سۇراۋ زاڭدا كوزدەلگەن جاۋاپكەرشىلىكتى الىپ تاستامايتىنىن اتاپ ءوتتى.
"ادىرنا" ۇلتتىق پورتالى
