جەلىدە وبلىستىڭ مامانداندىرىلعان تابيعاتتى قورعاۋ پروكۋرورى ابىلاي بيسقاليەۆتىڭ كۇندىز ماس كۇيىندە قالا كوشەلەرىن كەزىپ جۇرگەنى تۋرالى ۆيدەو جاريا بولدى، دەپ حابارلايدى "ادىرنا" ۇلتتىق پورتالى.
Facebook الەۋمەتتىك جەلىسىنىڭ قولدانۋشىسى ايبولات بوكەنوۆ بەينە جاريالادى. وندا بقو وبلىستىق مامانداندىرىلعان تابيعاتتى قورعاۋ پروكۋرورى ابىلاي بيسقاليەۆتىڭ كۇندىز ماس كۇيىندە كەزىپ جۇرگەنى ءتۇسىپ قالعان.
“تابيعاتتى قورعاۋ پروكۋرورى ابىلاي بيسقاليەۆ وسىلاي تۇر. ۆيدەودا كورگەندەرىڭىزدەي ءوز وزىنە يە بولا الماي قالعان سەكىلدى. قورشاعان ورتانى قورعايتىن پروكۋروردىڭ ءوزى قورشاعان ورتانى ءبۇلدىرىپ جۇرسە ايتارعا ءسوز جوق. حالىققا ءوزى ۇلگى بولۋدىڭ ورنىنا، مىنانىڭ جاساپ جۇرگەن ءىسى ۇياتقوي”، – دەپ جازدى ول.
سونداي-اق ول پروكۋروردىڭ بىرنەشە رەت زاڭ بۇزعانىن ايتتى.
"بۇل مىنەز-قۇلىق ونىڭ كاسىبي بەدەلىنە كۇمان كەلتىرىپ قانا قويمايدى، قازاقستاننىڭ زاڭناماسىن ەلەمەيتىنىن كورسەتەدى. پروكۋرور بىرنەشە رەت زاڭدى بۇزدى. بۇل ارەكەتى ونىڭ قۇزىرەتى مەن ەتيكاسىنا قاتىستى كۇردەلى سۇراقتار تۋعىزادى", – دەپ جازدى بوكەنوۆ.
بقو پروكۋراتۋراسى وسى جاريالانىمعا بايلانىستى قىزمەتتىك تەرگەۋ جۇرگىزىلىپ جاتقانىن جەتكىزدى. ونىڭ ناتيجەسى كەيىن حابارلانادى.
