الماتىدا جەزوكشەلىكپەن اينالىسۋعا ارنالعان 15 پريتون انىقتالدى. ينتيم قىزمەت كورسەتكەن 484 ايەلگە قاتىستى اكىمشىلىك شارا قولدانىلدى، دەپ حابارلايدى "ادىرنا" ۇلتتىق پورتالى Polisia.kz سايتىنا سىلتەمە جاساپ.
پوليتسيا مالىمەتىنشە، دەمالىس كۇندەرى پوليتسيا اقشاعا ينتيمدىك قىزمەت كورسەتەتىن ادامداردىڭ قۇقىققا قارسى ءىس-ارەكەتىن انىقتاۋعا جانە جولىن كەسۋگە باعىتتالعان رەيد وتكىزدى. سونىڭ ناتيجەسىندە تىنىشباەۆ كوشەسىندەگى پاتەرلەردىڭ بىرىندە ورنالاسقان پريتون انىقتالدى.
- جىل باسىنان بەرى وسىنداي 15 ءۇي-جاي انىقتالدى، ولاردىڭ يەلەرى ءۇيىن جەزوكشەلىكپەن اينالىسۋعا بەرگەنى ءۇشىن جاۋاپكەرشىلىككە تارتىلدى. سونىمەن قاتار ينتيمدىك قىزمەت كورسەتەتىن 484 ايەلگە قاتىستى اكىمشىلىك ىقپال ەتۋ شارالارى قابىلداندى. ولاردىڭ كوبىسى قارجىدان قينالعانىن ايتتى. ءىس جۇزىندە بۇل كاسىپپەن الكوگولدى شەكتەن تىس پايدالاناتىن جانە قوعامعا جات ءومىر سالتىن ۇستاناتىن ادامدار ءجيى اينالىسادى، - دەدى تۇركسىب اۋداندىق پوليتسيا باسقارماسىنىڭ باستىعى ەركىن امانتاەۆ.
پوليتسيانىڭ حابارلاۋىنشا، قۇقىق قورعاۋشىلار كۇن سايىن رەيد وتكىزەدى. قۇقىق بۇزۋشىلار اراسىندا قازاقستاننىڭ كوشى-قون زاڭناماسىن بۇزعان شەتەلدىك ازاماتتار دا ءجيى كەزدەسەدى. ولار سوت شەشىمىمەن ەلدەن شىعارىلادى.
"ادىرنا" ۇلتتىق پورتالى
