الماتى وبلىسىنىڭ دەنساۋلىق ساقتاۋ باسقارماسى پەنجىمدەگى وقيعادان زارداپ شەككەن ەكى ادامنىڭ جاعدايىن ايتتى، دەپ حابارلايدى "ادىرنا" ۇلتتىق پورتالى.
- 2005 جىلى تۋعان ناۋقاس تراۆماتولوگيا بولىمىندە جاتىر. وعان بارلىق قاجەتتى مەديتسينالىق كومەك كورسەتىلگەن. 1967 جىلى تۋعان ناۋقاس حيرۋرگيا بولىمىندە جاتىر. تولىق ەم قابىلدايدى. ەكى ناۋقاستىڭ دا جاعدايى ورتاشا اۋىر، - دەدى ءباسپاسوز قىزمەتى وكىلدەرى.
ايتا كەتەيىك، 27 قازاندا الماتى وبلىسىنداعى پەنجىم اۋىلىنىڭ مەكتەپ تەرريتورياسىندا جاپپاي توبەلەس بولىپ، 16 جاستاعى بالا اۋرۋحاناعا تۇسكەنى حابارلانعان بولاتىن.
"ادىرنا" ۇلتتىق پورتالى
