يزرايل ۇشاقتارىنىڭ سيريانىڭ اۋە قورعانىسى نىساندارىنا جاساعان زىمىراندىق سوققىسىنىڭ ناتيجەسىندە سيريالىق ەكى اسكەري قىزمەتكەر جارالاندى دەپ حابارلايدى "ادىرنا" ۇلتتىق پورتالى.
30 قازاندا سيريا ءيزرايلدىڭ داماسك شەتىندەگى زىمىراندىق شابۋىلىنا تويتارىس بەردى. بۇل تۋرالى سيريانىڭ مەملەكەتتىك SANA اقپارات اگەنتتىگى حابارلادى.
اسكەري دەرەككوزدەن الىنعان اقپاراتقا سايكەس، يزرايل كۇشتەرى داماسك ايماعىنداعى نىسانداردى "باسىپ الىنعان پالەستينا تەرريتورياسىنىڭ" سولتۇستىك بولىگىنەن (يوردان وزەنىنىڭ باتىس جاعالاۋى – فوكۋس) بىرنەشە زىمىرانمەن اتقىلاعان. سيريانىڭ اۋە شابۋىلىنا قارسى قورعانىس جۇيەسى ولاردىڭ بىرنەشەۋىن اتىپ ءتۇسىردى، الايدا شابۋىلدان ەكى سارباز جارالانىپ، سونداي-اق "ماتەريالدىق شىعىن" اكەلگەن.
"Haaretz" باسىلىمىنىڭ حابارلاۋىنشا، اتالعان سوققى "جەر-جەر" اتالاتىن زىمىراندار ارقىلى جاسالعان. دەرەككوزدەردىڭ حابارلاۋىنشا، نىسانا ليۆانعا بەت العان جانە شيتتىك "حەزبوللا" توبىنا باعىتتالعان قارۋ-جاراق پارتياسى بولعان.
"Times of Israel" باسىلىمى رەداكتورى ەممانۋەل فابيان Twitter-دە كۋاگەرلەردىڭ زىمىراندىق شابۋىلدان كەيىنگى سۋرەتتەرىن جاريالادى، وندا قالا سىرتىنداعى بىرنەشە نۇكتەدە قويۋ ءتۇتىن كوتەرىلگەن.
جۋرناليست كۇندىز زىمىراندىق سوققىلاردىڭ وتە سيرەك بولاتىنىنا، اسىرەسە سەنبى دەمالىس كۇنى ەكەنىنە نازار اۋداردى.
"ادىرنا" ۇلتتىق پورتالى.
