Izraıl ushaqtarynyń Sırııanyń áýe qorǵanysy nysandaryna jasaǵan zymyrandyq soqqysynyń nátıjesinde sırııalyq eki áskerı qyzmetker jaralandy dep habarlaıdy "Adyrna" ulttyq portaly.
30 qazanda Sırııa Izraıldiń Damask shetindegi zymyrandyq shabýylyna toıtarys berdi. Bul týraly Sırııanyń memlekettik SANA aqparat agenttigi habarlady.
Áskerı derekkózden alynǵan aqparatqa sáıkes, Izraıl kúshteri Damask aımaǵyndaǵy nysandardy "basyp alynǵan Palestına terrıtorııasynyń" soltústik bóliginen (Iordan ózeniniń batys jaǵalaýy – Fokýs) birneshe zymyranmen atqylaǵan. Sırııanyń áýe shabýylyna qarsy qorǵanys júıesi olardyń birnesheýin atyp túsirdi, alaıda shabýyldan eki sarbaz jaralanyp, sondaı-aq "materıaldyq shyǵyn" ákelgen.
"Haaretz" basylymynyń habarlaýynsha, atalǵan soqqy "jer-jer" atalatyn zymyrandar arqyly jasalǵan. Derekkózderdiń habarlaýynsha, nysana Lıvanǵa bet alǵan jáne shııttik "Hezbolla" tobyna baǵyttalǵan qarý-jaraq partııasy bolǵan.
"Times of Israel" basylymy redaktory Emmanýel Fabıan Twitter-de kýágerlerdiń zymyrandyq shabýyldan keıingi sýretterin jarııalady, onda qala syrtyndaǵy birneshe núktede qoıý tútin kóterilgen.
Jýrnalıst kúndiz zymyrandyq soqqylardyń óte sırek bolatynyna, ásirese senbi demalys kúni ekenine nazar aýdardy.
"Adyrna" ulttyq portaly.
