سەمەي قالاسىنداعى ەلەكتروتەحنيكالىق كوللەدجدىڭ جاتاقحاناسىندا 18 ادام ۋلانىپ قالدى دەپ حابارلايدى "ادىرنا" ۇلتتىق پورتالى.
-2021 جىلدىڭ 29 قازانىندا ساعات 23:48-دە "103" نومىرىنە سەمەي قالاسىنداعى داستەنوۆ كوشەسىندە ورنالاسقان ەلەكتروتەحنيكالىق كوللەدج جاتاقحاناسىنان ءورت بولىپ جاتقاندىعى تۋرالى حابار كەلىپ ءتۇستى. پوليتسيا قىزمەتكەرلەرى توتەنشە جاعدايلار دەپارتامەنتىنىڭ قىزمەتكەرلەرىمەن بىرگە ستۋدەنتتەردى جاتاقحانادان بىردەن ەۆاكۋاتسيالادى، - دەپ حابارلادى شقو دپ ءباسپاسوز قىزمەتى.
وقيعا ورنىندا ءورت بولماعانى بەلگىلى بولدى. انىقتالعانداي، 19 جاستاعى كوللەدج ستۋدەنتى جاتاقحانانىڭ ەكىنشى قاباتىندا تۇرىپ، بۇرىش سپرەيىن شاشقان. سالدارىنان ۋلانۋ بەلگىسى بار 18 ادام وبلىستىق كلينيكالىق اۋرۋحاناعا جەتكىزىلدى.
قازىر اتالعان فاكتى بويىنشا قر قك 293-بابى 3-تارماعى بويىنشا ("بۇزاقىلىق") سوتقا دەيىنگى تەرگەۋ امالدارى جۇرگىزىلۋدە.
"ادىرنا" ۇلتتىق پورتالى.
