ماڭعىستاۋ وبلىسىنداعى مەكتەپتەردىڭ بىرىندەگى اسحانادان ۋلانعان وقۋشىلاردىڭ جاعدايىنا بايلانىستى پوليتسيا ءىس قوزعادى، دەپ حابارلايدى “ادىرنا” ۇلتتىق پورتالى.
ءوڭىردىڭ دەنساۋلىق ساقتاۋ باسقارماسى قازىر وقۋشىلاردىڭ جاعدايى باقىلاۋدا ەكەنىن مالىمدەدى.
“ماڭعىستاۋ وبلىسىندا وقۋشىلاردىڭ جاپپاي ۋلانۋ فاكتىسى بويىنشا پوليتسيا قر قك-ءنىڭ 304-بابى، 1-بولىگى (سانيتارلىق ەرەجەلەردى نەمەسە گيگيەنالىق نورماتيۆتەردى بۇزۋ، ابايسىزدا جاپپاي اۋرۋعا، ينفەكتسياعا، ساۋلەلەنۋگە نەمەسە ۋلانۋعا اكەپ سوقتىرۋ) بويىنشا قىلمىستىق ءىس قوزعادى جانە سوتقا دەيىنگى تەرگەپ-تەكسەرۋدى باستادى.
مۇنايلى اۋدانىندا ۋلانعان وقۋشىلاردىڭ دەنساۋلىق جاعدايى-ءجىتى باقىلاۋدا. وقيعاعا بايلانىستى قۇزىرەتتى ورگاننىڭ وكىلدەرىمەن بىرلەسكەن ارنايى شتاب قۇرىلدى. ماڭعىستاۋ وبلىسى اكىمىنىڭ ورىنباسارى زۆيرا ەسبەرگەنوۆا اۋرۋحاناعا بارىپ، وقۋشىلاردىڭ قازىرگى جاعدايىمەن تانىستى. بالالاردىڭ دەنساۋلىعىن جاقسارتۋ ءۇشىن بارلىق قاجەتتى جاعدايلار جاسالۋدا. اتا-انالارعا پسيحولوگيالىق كومەك كورسەتىلەدى", - دەلىنگەن حابارلامادا.
دارىگەرلەردىڭ ايتۋىنشا، بالالاردىڭ جاعدايى تۇراقتى. ۋلانۋ سەبەبىن انىقتاۋ ءۇشىن ماڭعىستاۋ وبلىسىنىڭ سانيتارلىق-ەپيدەميولوگيالىق قاداعالاۋ دەپارتامەنتىنە حابارلاما جىبەرىلگەن.
ەسكە سالساق، ماڭعىستاۋ وبلىسىندا باستاۋىش سىنىپ وقۋشىلارى جاپپاي تاماقتان ۋلانىپ قالعانىن حابارلاعان ەدىك.
