Semei qalasyndaǧy elektrotehnikalyq kolledjdıŋ jataqhanasynda 18 adam ulanyp qaldy dep habarlaidy "Adyrna" ūlttyq portaly.
-2021 jyldyŋ 29 qazanynda saǧat 23:48-de "103" nömırıne Semei qalasyndaǧy Dastenov köşesınde ornalasqan elektrotehnikalyq kolledj jataqhanasynan ört bolyp jatqandyǧy turaly habar kelıp tüstı. Polisiia qyzmetkerlerı Tötenşe jaǧdailar departamentınıŋ qyzmetkerlerımen bırge studentterdı jataqhanadan bırden evakuasiialady, - dep habarlady ŞQO DP baspasöz qyzmetı.
Oqiǧa ornynda ört bolmaǧany belgılı boldy. Anyqtalǧandai, 19 jastaǧy kolledj studentı jataqhananyŋ ekınşı qabatynda tūryp, būryş spreiın şaşqan. Saldarynan ulanu belgısı bar 18 adam oblystyq klinikalyq auruhanaǧa jetkızıldı.Qazır atalǧan faktı boiynşa QR QK 293-baby 3-tarmaǧy boiynşa ("Būzaqylyq") sotqa deiıngı tergeu amaldary jürgızılude.
"Adyrna" ūlttyq portaly.
Ūqsas jaŋalyqtar
