بۇگىن حالىقارالىق تۇركى اكادەمياسى ماجارستاننىڭ قازاقستان رەسپۋبليكاسىنداعى ەلشىلىگىمەن جانە نازارباەۆ ۋنيۆەرسيتەتىمەن بىرلەسىپ كورنەكتى ماجار تۇركولوگى ارمين ۆامبەريگە ارنالعان كونفەرەنتسيا وتكىزدى.
قازاقستان رەسپۋبليكاسىنىڭ ۇلتتىق اكادەميالىق كىتاپحاناسىندا وتكەن القالى جيىنعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، ماجارستان ەلشىلىگىنىڭ ۋاقىتشا سەنىمدى وكىلى انيكو دەنگە، نازارباەۆ ۋنيۆەرسيتەتىنىڭ قازاق ءتىلى جانە تۇركولوگيا كافەدراسىنىڭ مەڭگەرۋشىسى يۋلاي شاميلوعلى جانە نازارباەۆ ۋنيۆەرسيتەتىنىڭ تاريح، فيلوسوفيا جانە ءدىنتانۋ كافەدراسىنىڭ دوتسەنتتەرى حاليت اكاردجا مەن كەرتيس مەرفي، سونىمەن قاتار، ديپلوماتيالىق ميسسيا وكىلدەرى مەن حالىقارالىق ۇيىمداردىڭ باسشىلارى، قازاقستاننىڭ مەملەكەت جانە قوعام قايراتكەرلەرى، نازارباەۆ ۋنيۆەرسيتەتىنىڭ، ل.ن. گۋميلەۆ اتىنداعى ەۋرازيا ۋنيۆەرسيتەتىنىڭ پروفەسسورلارى مەن ستۋدەنتتەرى قاتىستى.
جيىن بارىسىندا حالىقارالىق تۇركى اكادەمياسى شىعارعان ارمين ۆامبەريدىڭ «پۋتەشەستۆيە پو سرەدنەي ازي» اتتى كىتابىنىڭ تانىستىرىلىمى ءوتتى. «تۇركىستان» سەرياسى اياسىندا جارىق كورگەن اتالعان ەڭبەكتە ايگىلى ساياحاتشى تۇركىستان حالىقتارىنىڭ تاريحى مەن مادەنيەتى، ەتنوگرافياسى مەن گەوگرافياسى تۋرالى جازعان.
سونىمەن قاتار، ارمين ۆامبەريدىڭ ءومىرى مەن قىزمەتىنە ارنالعان كورمە ۇيىمداستىرىلدى. عالىمننىڭ ومىرىنە ارنالعان كورمەنى ماجارستان عىلىم اكادەمياسىنان ارنايى شاقىرىلعان بەلگىلى ماجار تۇركىتانۋشىسى داۆيد شومفاي تانىستىردى.
ايتا كەتۋ كەرەك، ارمين ۆامبەري – ماجار تۇركولوگياسىنىڭ نەگىزىن قالاۋشىلاردىڭ ءبىرى رەتىندە سانالى عۇمىرىن عىلىمعا ارناعان عۇلاما عالىم. ول تار جول تايعاق كەشۋ ساپارلاردا باسىن بايگەگە تىگىپ، ورتا ازيا ەلدەرىنە ساياحات جاساعان شوقتىعى بيىك زەرتتەۋشى.
عۇلاما عالىمنىڭ بۇدان وزگە «ەتنولوگيالىق جانە ەتنوگرافيالىق تۇرعىدان تۇرىك ناسىلدەرى»، «ماجار جانە تۇرك-تاتار ءسوز كەلىسىمدەرى»، «ۇيعىر تىلىندەگى ەسكەرتكىشەر مەن قۇتادعۇ بىلىك»، «تۇرك-تاتار تىلدەرىنىڭ ەتيمولوگيالىق سوزدىگى»، «ماجارلاردىڭ شىعۋ تەگى» «شايبانينامە – وزبەك باتىرلىق جىرى»، «موڭعوليا مەن سىبىردەگى كونە تۇركى جازبالارى» دەگەن عىلىمي قۇندى ەڭبەكتەرى بار.
«ادىرنا» ۇلتتىق پورتالى
