Búgin Halyqaralyq Túrki Akademııasy Majarstannyń Qazaqstan Respýblıkasyndaǵy elshiligimen jáne Nazarbaev Ýnıversıtetimen birlesip kórnekti majar túrkology Armın Vamberıge arnalǵan konferenııa ótkizdi.
Qazaqstan Respýblıkasynyń Ulttyq Akademııalyq kitaphanasynda ótken alqaly jıynǵa Halyqaralyq Túrki akademııasynyń prezıdenti Darhan Qydyráli, Majarstan Elshiliginiń Ýaqytsha Senimdi Ókili Anıko Denge, Nazarbaev Ýnıversıtetiniń Qazaq tili jáne túrkologııa kafedrasynyń meńgerýshisi Iýlaı Shamıloǵly jáne Nazarbaev Ýnıversıtetiniń tarıh, fılosofııa jáne dintaný kafedrasynyń doentteri Halıt Akardja men Kertıs Merfı, sonymen qatar, dıplomatııalyq mıssııa ókilderi men halyqaralyq uıymdardyń basshylary, Qazaqstannyń memleket jáne qoǵam qaıratkerleri, Nazarbaev Ýnıversıtetiniń, L.N. Gýmılev atyndaǵy Eýrazııa ýnıversıtetiniń professorlary men stýdentteri qatysty.
Jıyn barysynda Halyqaralyq Túrki akademııasy shyǵarǵan Armın Vamberıdiń «Pýteshestvıe po Sredneı Azıı» atty kitabynyń tanystyrylymy ótti. «Túrkistan» serııasy aıasynda jaryq kórgen atalǵan eńbekte áıgili saıahatshy Túrkistan halyqtarynyń tarıhy men mádenıeti, etnografııasy men geografııasy týraly jazǵan.
Sonymen qatar, Armın Vamberıdiń ómiri men qyzmetine arnalǵan kórme uıymdastyryldy. Ǵalymnnyń ómirine arnalǵan kórmeni Majarstan Ǵylym Akademııasynan arnaıy shaqyrylǵan belgili majar túrkitanýshysy Davıd Shomfaı tanystyrdy.
Aıta ketý kerek, Armın Vamberı – majar túrkologııasynyń negizin qalaýshylardyń biri retinde sanaly ǵumyryn ǵylymǵa arnaǵan ǵulama ǵalym. Ol tar jol taıǵaq keshý saparlarda basyn báıgege tigip, Orta Azııa elderine saıahat jasaǵan shoqtyǵy bıik zertteýshi.
Ǵulama ǵalymnyń budan ózge «Etnologııalyq jáne etnografııalyq turǵydan túrik násilderi», «Majar jáne túrk-tatar sóz kelisimderi», «Uıǵyr tilindegi eskertkisher men Qutadǵu bilik», «Túrk-tatar tilderiniń etımologııalyq sózdigi», «Majarlardyń shyǵý tegi» «Shaıbanıname – ózbek batyrlyq jyry», «Mońǵolııa men Sibirdegi kóne túrki jazbalary» degen ǵylymı qundy eńbekteri bar.
«Adyrna» ulttyq portaly
