اۋعانستان بيلىگىنە كەلگەن تاليبان قوزعالىسىنىڭ (قازاقستاندا تىيىم سالىنعان ۇيىم) مۇشەلەرى ەلدەگى جاستار قۇراماسىندا ونەر كورسەتەتىن ۆولەيبولشى قىز ماحجابين حاكيميدى ءولىم جازاسىنا كەستى دەپ حابارلايدى "ادىرنا" ۇلتتىق پورتالى "zakon.kz-كە" سىلتەمە جاساپ.
Inside Games حابارلاعانداي، قىزدىڭ ولتىرىلگەنى قازان ايىنىڭ باسىندا بەلگىلى بولدى، بىراق وقيعا وسىعان دەيىن قۇپيا ۇستالىپ كەلگەن. كابۋلدا حاكيميدىڭ باسى شابىلىپ، سۋرەتتەرى جەرگىلىكتى الەۋمەتتىك جەلىلەردە جاريالاندى.
وسى ۋاقىت ىشىندە مارقۇمنىڭ تۋىستارى قاتتى قورىققاندىقتان تىرس دەپ ۇندەي الماعان. حاكيميدىڭ جاتتىقتىرۋشىلارىنىڭ ءبىرى ۆولەيبول كومانداسىنىڭ بارلىق ويىنشىلارى مەن قالعان سپورتشىلاردىڭ جاعدايى ناشار ەكەنىن، بويلارىن ۇرەي مەن قورقىنىش جايلاپ العانىن ايتتى.
حالىقارالىق ۆولەيبول فەدەراتسياسى (FIVB) حاكيميدىڭ ءولىم جازاسى تۋرالى حابارلارعا قاتىستى تەرگەۋدى باستادى. ۇيىم سپورتشىنىڭ ءولىمى تۋرالى ءارتۇرلى نۇسقالار بار ەكەنىن اتاپ ءوتتى.
— حالىقارالىق ۆولەيبول فەدەراتسياسى كەيبىر بۇقارالىق اقپارات قۇرالدارىندا ماحجابين حاكيميدىڭ قايعىلى ءولىمى تۋرالى حابارلاردى ەستىگەندە قاتتى تاڭ قالدى. الايدا ونىڭ ءولىمىنىڭ شىنايى سەبەبى تۋرالى قاراما-قايشى مالىمەتتەر بار ەكەنىن اتاپ وتكەن ءجون. سوندىقتان FIVB ناقتى مالىمەتتەرگە قاتىستى تۇسىنىكتەمە ىزدەۋدى جالعاستىرۋدا، - دەپ حابارلايدى تاسس ۇيىمنىڭ ءباسپاسوز قىزمەتىنە سىلتەمە جاساپ.
"ادىرنا" ۇلتتىق پورتالى.
