Aýǵanstanda voleıbolshy qyzdyń basyn shaýyp tastaǵan

4931
Adyrna.kz Telegram

Aýǵanstan bıligine kelgen Talıban qozǵalysynyń (Qazaqstanda tyıym salynǵan uıym) músheleri eldegi jastar quramasynda óner kórsetetin voleıbolshy qyz Mahjabın Hakımıdi ólim jazasyna kesti dep habarlaıdy "Adyrna" ulttyq portaly "zakon.kz-ke" silteme jasap.

Inside Games habarlaǵandaı, qyzdyń óltirilgeni qazan aıynyń basynda belgili boldy, biraq oqıǵa osyǵan deıin qupııa ustalyp kelgen. Kabýlda Hakımıdiń basy shabylyp, sýretteri jergilikti áleýmettik jelilerde jarııalandy.

Osy ýaqyt ishinde marqumnyń týystary qatty qoryqqandyqtan tyrs dep úndeı almaǵan. Hakımıdiń jattyqtyrýshylarynyń biri voleıbol komandasynyń barlyq oıynshylary men qalǵan sportshylardyń jaǵdaıy nashar ekenin, boılaryn úreı men qorqynysh jaılap alǵanyn aıtty.

Halyqaralyq voleıbol federaııasy (FIVB) Hakımıdiń ólim jazasy týraly habarlarǵa qatysty tergeýdi bastady. Uıym sportshynyń ólimi týraly ártúrli nusqalar bar ekenin atap ótti.

— Halyqaralyq voleıbol federaııasy keıbir buqaralyq aqparat quraldarynda Mahjabın Hakımıdiń qaıǵyly ólimi týraly habarlardy estigende qatty tań qaldy. Alaıda onyń óliminiń shynaıy sebebi týraly qarama-qaıshy málimetter bar ekenin atap ótken jón. Sondyqtan FIVB naqty málimetterge qatysty túsinikteme izdeýdi jalǵastyrýda, - dep habarlaıdy TASS uıymnyń baspasóz qyzmetine silteme jasap. 

"Adyrna" ulttyq portaly.

Pikirler