نۇر-سۇلتاندىق ايەل ءبىر جاسار بالاسىمەن 12-قاباتتان سەكىرىپ كەتپەك بولعان (ۆيدەو)

541

22 قازان كۇنى كەشكە نۇر-سۇلتاندا جاس انا بالاسىمەن بىرگە 12-ءشى قاباتتان سەكىرىپ كەتپەك بولدى، دەپ حابارلايدى "ادىرنا" سايتى zakon.kz-كە سىلتەپ. 

ساعات 17: 30-دا كۋبرين كوشەسىندە پوليتسيا كاپيتانى قايرات ناريمانوۆ ءزاۋلىم عيماراتتىڭ بالكونىندا 12-ءشى قاباتتان اياعى سالبىراپ تۇرعان قولىندا بالاسى بار ايەلدى بايقادى. ول سەكىرۋگە بەكىنىپ قورشاۋدا وتىرعان سىڭايلى كورىنگەن. پوليتسيا قىزمەتكەرى بىردەن ارەكەت ەتىپ، كىرە بەرىسكە جۇگىرىپ بارىپ، سول ەتاجعا كوتەرىلگەن. سەكىرمەك بولعان ايەلگە ارتىق ءسوز ايتپاستان بىردەن ۇمتىلىپ، ونىڭ ءومىرىن قۇتقارىپ قالدى، - دەپ حابارلايدى نۇر -سۇلتان پد ءباسپاسوز قىزمەتى.

21 جاستاعى كەلىنشەك وتباسىنداعى جانجالدان كەيىن شاراسىز ارەكەتكە بەل بۋعان. بۇل كەزدە ونىڭ قولىندا ءبىر جارىم جاسار بالاسى بولعان.

سول كۇنى مەن كۇندەلىكتى اۋىسىمنان كەيىن دەمالىس كۇنىم بولدى. بالاباقشادان بالالارمەن قايتىپ كەلە جاتىپ، مەن اۋلادان ۇريەلەنىپ قاراپ تۇرعان ازاماتتاردى جانە بالكون قورشاۋىندا وتىرعان ايەلدى كوردىم. مەن ويلانباستان كىرە بەرىسكە قاراي جۇگىردىم، سول ساتتە كۋاگەرلەردىڭ ءبىرى مەنىمەن بىرگە ليفتكە جۇگىردى. باقىتىمىزعا وراي، ءبارى ويداعىداي اياقتالدى، مەن ايەلدى ۇستاپ الىپ، ىشكە كىرگىزدىم، - دەدى پوليتسەي.

جاس انانى شاراسىز كۇيگە تۇسىرگەن جۇبايىنا قاتىستى ۇيعارىم شىعارىلىپ، وتباسى ەرەكشە باقىلاۋعا الىندى. ايەلمەن پروفيلاكتيكالىق اڭگىمە جۇرگىزىلىپ، پسيحولوگيالىق كومەك كورسەتىلدى.

"ادىرنا" ۇلتتىق پورتالى

پىكىرلەر
ۇقساس جاڭالىقتار