بۇگىن، 10 قىركۇيەك تاڭەرتەڭ استانانىڭ سارىارقا اۋدانىندا ورنالاسقان اۆتوسەرۆيس ورتەندى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
ناقتىلانعان مالىمەت بويىنشا، شينا مونتاجداۋعا جابدىقتالعان كونتەينەردىڭ ىشىندە جابدىقتار، ىشكى قاپتاما جانە رەزەڭكە-تەحنيكالىق بۇيىمدار جانعان.
ءورت سوندىرۋشىلەر وتتان سىيىمدىلىعى 50 ليتر بولاتىن 2 وتتەگى باللونىن قاۋىپسىز ايماققا شىعاردى.
جالىن 25 شارشى مەتر اۋماقتى شارپىعان.
زارداپ شەككەندەر جوق.
ءورتتىڭ سەبەبى انىقتالىپ جاتىر.
