22 qazan künı keşke Nūr-Sūltanda jas ana balasymen bırge 12-şı qabattan sekırıp ketpek boldy, dep habarlaidy "Adyrna" saity zakon.kz-ke sıltep.
Saǧat 17: 30-da Kubrin köşesınde polisiia kapitany Qairat Narimanov zäulım ǧimarattyŋ balkonynda 12-şı qabattan aiaǧy salbyrap tūrǧan qolynda balasy bar äieldı baiqady. Ol sekıruge bekınıp qorşauda otyrǧan syŋaily körıngen. Polisiia qyzmetkerı bırden äreket etıp, kıre berıske jügırıp baryp, sol etajǧa köterılgen. Sekırmek bolǧan äielge artyq söz aitpastan bırden ūmtylyp, onyŋ ömırın qūtqaryp qaldy, - dep habarlaidy Nūr -Sūltan PD baspasöz qyzmetı.
21 jastaǧy kelınşek otbasyndaǧy janjaldan keiın şarasyz äreketke bel buǧan. Būl kezde onyŋ qolynda bır jarym jasar balasy bolǧan.
Sol künı men kündelıktı auysymnan keiın demalys künım boldy. Balabaqşadan balalarmen qaityp kele jatyp, men auladan ürielenıp qarap tūrǧan azamattardy jäne balkon qorşauynda otyrǧan äieldı kördım. Men oilanbastan kıre berıske qarai jügırdım, sol sätte kuägerlerdıŋ bırı menımen bırge liftke jügırdı. Baqytymyzǧa orai, bärı oidaǧydai aiaqtaldy, men äieldı ūstap alyp, ışke kırgızdım, - dedı polisei.
Jas anany şarasyz küige tüsırgen jūbaiyna qatysty ūiǧarym şyǧarylyp, otbasy erekşe baqylauǧa alyndy. Äielmen profilaktikalyq äŋgıme jürgızılıp, psihologiialyq kömek körsetıldı.
https://youtu.be/H-VOMDAdfcw
"Adyrna" ūlttyq portaly
Ūqsas jaŋalyqtar
