استاناداعى كوپقاباتتى ۇيلەردىڭ بىرىندە بالكون قۇلادى. بۇل تۋرالى ۆيدەو پايدا بولدى. وقيعانىڭ ءمان-جايىن قالالىق تجد ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى..
اقپاراتقا سايكەس، بالكوندا ادام بولعان. ول تەمىر تورلاردان ۇستاپ ۇلگەرىپ، امان قالعان.
“وقيعا ورنىنا جەتكەندە قۇتقارۋشىلار «جارىق» پيك وكىلدەرىمەن بىرلەسىپ، تۇرعىندار مەن ءوتىپ بارا جاتقاندارعا ىقتيمال قاۋىپتەردىڭ الدىن الۋ ءۇشىن قاۋىپتى اۋماقتى قورشادى. كوندومينيۋم وبەكتىسىنىڭ ورتاق مۇلكىن، ونىڭ ىشىندە بالكونداردى جوندەۋ جانە قالپىنا كەلتىرۋ بويىنشا ودان ءارى جۇمىستىڭ «قازاقستان رەسپۋبليكاسىنىڭ تۇرعىن ءۇي قاتىناستارى تۋرالى» زاڭىنا سايكەس، تۇرعىن ءۇي يەلەرى مەن پيك جاۋاپكەرشىلىگىندە ەكەنىن اتاپ وتكەن ءجون. استانا قالاسىنىڭ تجد وسىنداي توتەنشە جاعدايلاردىڭ الدىن الۋ ماقساتىندا سارىارقا اۋدانىنىڭ تجب-عا، استانا قالاسىنىڭ تۇرعىن ءۇي-كوممۋنالدىق شارۋاشىلىعى باسقارماسىنا، سارىارقا اۋدانى اكىمىنىڭ اپپاراتىنا ءتيىستى شارالار قابىلداۋ تۋرالى حات جولدادى”، - دەلىنگەن تجد حابارلاماسىندا.
ۆەدومستۆو حالىقتى تەك تەكسەرىلگەن اقپاراتقا سەنۋگە جانە ناقتى دەرەكتەردى الۋ ءۇشىن رەسمي دەرەككوزدەرگە جۇگىنۋگە شاقىردى.
