سايرام كومەكشى مەكتەپ-ينتەرناتىنا «كوللەدج» مارتەبەسى بەرىلدى

2087
Adyrna.kz Telegram

شىمكەنت قالاسى قاراتاۋ اۋدانىندا ورنالاسقان ەرەكشە وقىتۋدى قاجەت ەتەتىن بالالارعا ارنالعان ءبىلىم ۇياسى جاڭا وقۋ جىلىن جاڭا عيماراتتا باستادى. سونداي-اق، قالا اكىمى مۇرات ايتەنوۆتىڭ قاۋلىسى نەگىزىندە، سايرام كومەكشى مەكتەپ-ينتەرناتىنا كوللەدج مارتەبەسى بەرىلدى. قوس بىردەي قۋانىشقا كەنەلگەن ءبىلىم وشاعىنىڭ جاي-كۇيىمەن ارىپتەسىم تانىسىپ قايتتى.

2018 جىلى مەكەمە ۇستازدارى مەن تاربيەلەنۋشىلەرى ەلىمىزدىڭ تۇڭعىش پرەزيدەنتى نۇرسۇلتان نازارباەۆقا بالالاردىڭ ءوز قولدارىمەن جاساعان  قولونەر بۇيىمدارى  مەن    ىزگى-تىلەكتەرى جازىلعان  حات جولداعان. وسىلايشا، ەلباسى نازارىنا ىلىككەن ءبىلىم ۇياسىنىڭ قۇرىلىسى، «Nur Otan»پارتياسىنىڭ دامۋكارتاسىنا ەنگىزىلگەن. ناتيجەسىندە، عاسىر كورگەن مەكتەپ عيماراتى تولىقتاي جوندەۋدەن ءوتىپ، پايدالانۋعا بەرىلدى.

جادىرا تاڭاتاروۆا - «سايرام كومەكشى مەكتەپ-ينتەرنات-كوللەدجى» كمم-ءنىڭ ديرەكتورى

جاڭا مەكتەپ عيماراتىندا بالالار ءۇشىن بارلىق جاعداي جاسالعان. لوگوپەديا، كوررەكتسيا، لفك سىندى نەگىزگى پاندەردى وقىتۋعا ارنالعان ارنايى كابينەتتەر مەن اكت زالى، سپورت زالى جانە شەبەرلىك سىنىپتارى تولىقتاي قاجەتتى دۇنيەلەرمەن جابدىقتالعان. سونداي-اق، اعىمداعى جىلى مەكتەپ-ينتەرناتقا «كوللەدج» مارتەبەسى بەرىلىپ، ۇجىم قوس قۋانىشتى قاتار تويلاۋدا.

جادىرا تاڭاتاروۆا - «سايرام كومەكشى مەكتەپ-ينتەرنات-كوللەدجى» كمم-ءنىڭ ديرەكتورى

ماماندار ەلباسى ىقپالى، «نۇر وتان» پارتياسى مەن قالا اكىمىنىڭ قولداۋىنىڭ ارقاسىندا  مۇنداعى بالالار وزدەرىنە كەرەكتى ءبىلىمدى جوعارعى دارەجەدە الاتىنىنا سەنىمدى. نەگىزگى ماقسات - ەرەكشە وقىتۋدى قاجەت ەتەتىن بالالاردىڭ پسيحوفيزيكالىق كەمشىلىكتەرىن تۇزەتۋ، ولاردىڭ فۋنكتسيونالدىق ساۋاتتىلىعىن ارتتىرۋ، ەڭبەككە باۋلۋ جانە قوعامدىق ومىرگە قالىپتاستىرۋ ەكەندىگىن ەستەن شىعارمايدى.

 

پەريزات ورتاي                        

پىكىرلەر