2 كۇنگە سوزىلعان «Shymkent 2200: تۋريستىك كرەاتيۆتى قالا بەينەسى» فورۋم-كورمەسى قورىتىندىلاندى. قورىتىندى كەشكە قالا اكىمى مۇرات ايتەنوۆ ارنايى قاتىسىپ، بارشا قالا تۇرعىندارىن 27 قىركۇيەك – دۇنيەجۇزىلىك تۋريزم كۇنى مەرەكەسىمەن قۇتتىقتادى. سونداي-اق، فورۋم اياسىندا ۇيىمداستىرىلعان كرەاتيۆتى جوبالار كونكۋرسىنىڭ جەڭىمپازدارى ماراپاتتالدى.
Shymkent 2200: تۋريستىك كرەاتيۆتى قالا بەينەسى».وسىنداي اتاۋمەن شىمكەنتتە 2 كۇندىك فورۋم-كورمە ءوتتى. قالا اكىمى مۇرات ايتەنوۆ كورمەگە قويىلعان قالامىزداعى كرەاتيۆتى جوبالار مەن تۋىندىلارمەن جەكە-دارا تانىس بولدى. سونداي-اق، قورىتىندى كەشتە شاھار باسشىسى تۋريستىك كرەاتيۆتى قالا قالىپتاستىرۋ ءۇشىن شىمكەنتتىڭ الەۋەتى جەتەتىندىگىن اتاپ ايتتى. ول ءۇشىن بۇگىنگى فورۋمنىڭ ماڭىزدى ەكەندىگىنە توقتالدى.
مۇرات ايتەنوۆ – شىمكەنت قالاسىنىڭ اكىمى
«مەملەكەت باسشىسى تۋريزم يندۋسترياسى ەكونوميكالىق ءوسىمنىڭ ماڭىزدى درايۆەرى بولۋى ءتيىس ەكەندىگىن ايتتى. الەمدەگى كوپتەگەن قالالاردىڭ ەكونوميكاسى تۋريزم تابىسىنان قۇرالادى. وسى مۇمكىندىك شىمكەنت قالاسىنىڭ دامۋ باعدارى بولۋى كەرەك. تۋريستىك كرەاتيۆتى قالا قالىپتاستىرۋ بويىنشا بۇگىنگى فورۋم-كورمەدە قالامىزدا تۋريزم يندۋسترياسىن دامىتۋ مۇمكىندىكتەرى قاراستىرىلادى.
فورۋمدا كرەاتيۆتى يندۋستريالاردى دامىتۋ جونىندەگى جوبالىق كەڭسەنىڭ جەتەكشىسى دانات جۋمين، «Salem Coffee» جانە «Global Coffee» كوفەحانالار جەلىسىنىڭ نەگىزىن قالاۋشى ايات ازيموۆ، شىمكەنت قالالىق «اتامەكەن» كاسىپكەرلەر پالاتاسىنىڭ ديرەكتورى نۇرلان قابىشتاەۆ جانە باسقا دا تۋريستىك قىزمەت كورسەتەتىن كاسىپ وكىلدەرى جەتىستىكتەرىن ايتىپ، يدەيالارىمەن ءبولىستى. سونداي-اق، كورمەگە ەلىمىزدىڭ وزگە دە قالالارىنان قوناقتار كەلىپ، تۋىندىلاردى تاماشالادى.
عالىمجان كاريموۆ – نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ ءبولىم باسشىسى
راسىندا، جىلدان جىلعا شىمكەنتتىڭ تۋريزم سالاسى ىلگەرىلەپ، قالا ەكونوميكاسىنا وڭ ۇلەس قوسىپ كەلەدى. ول ءۇشىن ءتۇرلى شارالار دا اتقارىلۋدا. وسى باعىتتاعى جۇمىستاردىڭ ودان ارمەن جالعاستىرۋ ءۇشىن شىمشاھاردان ەلىمىزدىڭ باسقا قالالارىنا قاتىنايتىن اۋە باعىتتارى كەڭەيمەك. مۇنداي ءسۇيىنشى جاڭالىقپەن قالا اكىمىنىڭ ورىنباسارى ماقسۇت يساحوۆ باق وكىلدەرىمەن ءبولىستى.
ماقۇست يساحوۆ – شىمكەنت قالاسى اكىمىنىڭ ورىنباسارى
«SHYMKENT 2200: تۋريستىك كرەاتيۆتى قالا بەينەسى» كونكۋرسىنىڭ جەڭىمپازدارى انىقتالدى
«Shymkent 2200: تۋريستىك كرەاتيۆتى قالا بەينەسى» كونكۋرسىنىڭ جەڭىمپازدارى دا وسى كەشتە ماراپاتتالدى. بارلىعى 70-تەن اسا جوبا ءوتىنىمى تۇسكەن سايىستا IT-جوبا، كرەاتيۆتى ارحيتەكتۋرا، تۋريزم سالاسىنداعى كرەاتيۆتى قىزمەتتەر، قالانىڭ قولونەر برەندى جانە گاسترونوميا سىندى 6 باعىت قامتىلعان. شىن بىلىمىدىلەر باسەكەلەسكەن سايىستا ەرنازار بايدىلباەۆ وزا شاپقانداردىڭ ءبىرى بولدى. Iت باعىتىنداعى ۇزدىك جوبا يەسى اتانعان ول بۇل جۇمىسىنا 1 جىلدان استام ۋاقىت بولگەن.
ەرنازار بايدىلباەۆ –« Iت» باعىتىنداعى ۇزدىك جوبا يەسى
مەنىڭ جوبامنىڭ اتاۋى – شىمكەنت قالاسىنىڭ 3د تۋرى. ماسەلەن، قالاعا كەلگەن قوناقتار 1 اپتا ىشىندە قالامەن تولىقتاي تانىسا الماۋى مۇمكىن. سونداي جاعدايدا مەنىڭ جوبام قالامەن سىرتتاي 3 د تۇردە تانىسۋعا مۇمكىندىك بەرەدى.
تۋريستىك كرەاتيۆتى قالا بەينەسىن ۇسىنعان ازاماتتار ءتۇرلى سىي-سياپاتتارمەن ماراپاتتالىپ، تۋريستىك سالا وكىلدەرىنەن ارنايى تۋرلارعا سەرتيفيكاتتار جانە مەيرامحانالاردا تاماقتانۋ جەڭىلدىكتەرىن الدى. سونداي-اق، ىس-شارا اياسىندا قالالىق تۋريزم جانە سىرتقى بايلانىستار باسقارماسى، نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى، قىزىلوردا وبلىسى كاسىپكەرلىك جانە تۋريزم باسقارماسى، م.اۋەزوۆ اتىنداعى وقۋ اراسىندا، سونىمەن قاتار، «Visit Shymkent» تۋريستىك اقپاراتتىق ورتالىعى مەن «تاراز تۋريزم»، «OCA TRAVEL» تۋريستىك اگەنتتىگى اراسىندا ەكى جاقتى كەلىسىمگە قول قويىلدى.
پەريزات ورتاي
