2 kúnge sozylǵan «Shymkent 2200: Týrıstik kreatıvti qala beınesi» forým-kórmesi qorytyndylandy. Qorytyndy keshke qala ákimi Murat Áıtenov arnaıy qatysyp, barsha qala turǵyndaryn 27 qyrkúıek – Dúnıejúzilik týrızm kúni merekesimen quttyqtady. Sondaı-aq, forým aıasynda uıymdastyrylǵan kreatıvti jobalar konkýrsynyń jeńimpazdary marapattaldy.
Shymkent 2200: Týrıstik kreatıvti qala beınesi».Osyndaı ataýmen Shymkentte 2 kúndik forým-kórme ótti. Qala ákimi Murat Áıtenov kórmege qoıylǵan qalamyzdaǵy kreatıvti jobalar men týyndylarmen jeke-dara tanys boldy. Sondaı-aq, qorytyndy keshte shahar basshysy týrıstik kreatıvti qala qalyptastyrý úshin Shymkenttiń áleýeti jetetindigin atap aıtty. Ol úshin búgingi forýmnyń mańyzdy ekendigine toqtaldy.
Murat Áıtenov – Shymkent qalasynyń ákimi
«Memleket basshysy týrızm ındýstrııasy ekonomıkalyq ósimniń mańyzdy draıveri bolýy tıis ekendigin aıtty. Álemdegi kóptegen qalalardyń ekonomıkasy týrızm tabysynan quralady. Osy múmkindik Shymkent qalasynyń damý baǵdary bolýy kerek. Týrıstik kreatıvti qala qalyptastyrý boıynsha búgingi forým-kórmede qalamyzda týrızm ındýstrııasyn damytý múmkindikteri qarastyrylady.
Forýmda kreatıvti ındýstrııalardy damytý jónindegi jobalyq keńseniń jetekshisi Danat Jýmın, «Salem Coffee» jáne «Global Coffee» kofehanalar jelisiniń negizin qalaýshy Aıat Azımov, Shymkent qalalyq «Atameken» kásipkerler palatasynyń dırektory Nurlan Qabyshtaev jáne basqa da týrıstik qyzmet kórsetetin kásip ókilderi jetistikterin aıtyp, ıdeıalarymen bólisti. Sondaı-aq, kórmege elimizdiń ózge de qalalarynan qonaqtar kelip, týyndylardy tamashalady.
Ǵalymjan Karımov – Nur-Sultan qalasy ınvestıııalar jáne kásipkerlikti damytý basqarmasynyń bólim basshysy
Rasynda, jyldan jylǵa Shymkenttiń týrızm salasy ilgerilep, qala ekonomıkasyna oń úles qosyp keledi. Ol úshin túrli sharalar da atqarylýda. Osy baǵyttaǵy jumystardyń odan ármen jalǵastyrý úshin Shymshahardan elimizdiń basqa qalalaryna qatynaıtyn áýe baǵyttary keńeımek. Mundaı súıinshi jańalyqpen qala ákiminiń orynbasary Maqsut Isahov BAQ ókilderimen bólisti.
Maqust Isahov – Shymkent qalasy ákiminiń orynbasary
«SHYMKENT 2200: TÝRISTIK KREATIVTI QALA BEINESI» KONKÝRSYNYŃ JEŃIMPAZDARY ANYQTALDY
«Shymkent 2200: týrıstik kreatıvti qala beınesi» konkýrsynyń jeńimpazdary da osy keshte marapattaldy. Barlyǵy 70-ten asa joba ótinimi túsken saıysta IT-joba, kreatıvti arhıtektýra, týrızm salasyndaǵy kreatıvti qyzmetter, qalanyń qolóner brendy jáne gastronomııa syndy 6 baǵyt qamtylǵan. Shyn bilimidiler básekelesken saıysta Ernazar Baıdilbaev oza shapqandardyń biri boldy. IT baǵytyndaǵy úzdik joba ıesi atanǵan ol bul jumysyna 1 jyldan astam ýaqyt bólgen.
Ernazar Baıdilbaev –« IT» baǵytyndaǵy úzdik joba ıesi
Meniń jobamnyń ataýy – Shymkent qalasynyń 3D týry. Máselen, qalaǵa kelgen qonaqtar 1 apta ishinde qalamen tolyqtaı tanysa almaýy múmkin. Sondaı jaǵdaıda meniń jobam qalamen syrttaı 3 D túrde tanysýǵa múmkindik beredi.
Týrıstik kreatıvti qala beınesin usynǵan azamattar túrli syı-sııapattarmen marapattalyp, týrıstik sala ókilderinen arnaıy týrlarǵa sertıfıkattar jáne meıramhanalarda tamaqtaný jeńildikterin aldy. Sondaı-aq, Is-shara aıasynda qalalyq týrızm jáne syrtqy baılanystar basqarmasy, Nur-Sultan qalasynyń ınvestıııalar jáne kásipkerlikti damytý basqarmasy, Qyzylorda oblysy kásipkerlik jáne týrızm basqarmasy, M.Áýezov atyndaǵy OQÝ arasynda, sonymen qatar, «Visit Shymkent» týrıstik aqparattyq ortalyǵy men «Taraz týrızm», «OCA TRAVEL» týrıstik agenttigi arasynda eki jaqty kelisimge qol qoıyldy.
Perızat Ortaı
