پاندەميا تالاپتارى ەندى عانا وركەندەپ كەلە جاتقان وتاندىق بيزنەستى اجەپتەۋىر السىرەتىپ تاستادى. جۇمىسى شەكتەلگەن كاسىپكەرلەر بۇگىندە مەملەكەتتىك قولداۋعا ءزارۋ. وسىنى ەسكەرگەن «دامۋ» قورى ىسكەرلەردىڭ نەسيە جۇگىن ايتارلىقتاي ازايتۋدا. بيىل جىل باسىنان بەرى قور ارقىلى شىمكەنتتە 900-دەن استام جوبا سۋبسيديالاندى. قوردان قارجى الىپ، ءىسىن دوڭگەلەتكەن كاسىپكەرلەردىڭ تىنىس-تىرشىلىگىمەن ارىپتەسىم ماقپال رىسباەۆا تانىسىپ قايتتى.
بۇل شىمكەنتتەگى «جاس-دارىن-2» باستاۋىش مەكتەبى». 350 وقۋشىعا ارنالعان ءبىلىم وشاعىنىڭ قۇرىلتايشىلارى عيماراتتىڭ قۇرىلىسىن جۇرگىزۋ كەزىندە قارجىلىق قيىندىقتارعا تاپ بولعان. دامۋ قورىنا جۇگىنگەن بيزنەس وكىلدەرى جەڭىلدەتىلگەن نەسيە الىپ، قۇرىلىس شىعىندارىن جاۋىپ، مەكتەپكە زاماناۋي قۇرال-جابدىقتار ساتىپ العان.
گۇلنار جۇماباەۆا، مەكتەپ قۇرىلتايشىسى:
ال بۇل قالاداعى زاماناۋي قۇرىلعىلارمەن جابدىقتالعان مەديتسينالىق ورتالىق. كوپسالالى ورتالىقتا دياگنوستيكا جۇرگىزىلىپ، ەمدەۋ شارالارى اتقارىلادى. مەديتسينالىق ۇيىمدى جابدىقتاندىرۋعا دا «دامۋ» قورى قولداۋ كورسەتىپتى.
كۇلاش يلياسوۆا, مەديتسينا ورتالىعىنىڭ وكىلى:
ال «دارى سايراما» سەرىكتەستىگى ءوز قىزمەتىن 2014 جىلى باستاپتى. 5 جىلدان بەرى سەرىكتەستىك يەلەرى قوردان قارجىلاي كومەك الىپ، يتاليا، تۇركيا، بولگاريادان وزىق قوندىرعىلار التىرتقان. قازىر مۇندا كومپوت، ماريناد، تۇزدالعان قيار مەن كونسەرۆىلەر ءوندىرىلىپ جاتىر.
مامىرجان كوچالي، سەرىكتەستىك ديرەكتورى:
جىل باسىنان بەرى قالادا 43,4 ملرد تەڭگەگە 1 مىڭعا جۋىق جوبا سۋبسيديالانعان. ولاردىڭ ىشىندە «بيزنەستىڭ جول كارتاسى 2025» باعدارلاماسى بويىنشا 600-دەن استام جوبا قارجىلاندىرىلعان. «قاراپايىم زاتتار ەكونوميكاسى» باعدارلاماسى بويىنشا - 17 ملرد تەڭگەگە 17 كەلىسىمشارت قولداۋ الىپتى. قوردان كارانتين كەزىندە شارۋاسىن شاتقاياقتاتىپ العان كاسىپكەرلەرگە ۇلكەن قولداۋ كورسەتىلگەن.
مۇعاسىن قاڭلىباەۆ «دامۋ» قورىنىڭ شىمكەنت قالاسى فيليالى ديرەكتورىنىڭ ورىنباسارى:
«دامۋ» قورى – كاسىپكەرلىكتى قولداۋ شارالارىنىڭ نەگىزگى وپەراتورى بولىپ تابىلادى. قور باعدارلامالارى ءۇش نەگىزگى باعىتتى جۇزەگە اسىرادى. كاسىپكەرلەردىڭ نەسيە جۇگىن ازايتىپ قانا قويماي، مۇندا بيزنەسكە ەندى عانا بەت بۇرعان جاس كاسىپكەرلەرگە مەنەدجمەنت وقىتىلادى.
