كارىز قۇبىرى تارتىلىپ جاتقان بەس شاعىن اۋدانداعى جۇمىس بيىل اياقتالادى

1900
Adyrna.kz Telegram

شىمكەنت قالاسىن تولىقتاي كارىز جۇيەسىمەن قامتۋ ماقساتىندا 13 نىساننىڭ قۇرىلىسى جۇرگىزىلىپ جاتىر. ولاردىڭ 5-ەۋى بيىل جىل اياعىنا دەيىن ىسكە قوسىلادى دەپ كۇتىلۋدە. قالا اكىمى مۇرات ايتەنوۆتىڭ باقىلاۋىنداعى بۇل جۇمىستاردى، سالاعا جاۋاپتى باسقارما باسشىسى بورانباي بولاتبەكوۆتىڭ ءوزى قاداعالاۋدا.

شاپاعات، ميراس شاعىن اۋداندارىن كارىز جۇيەسىمەن قامتاماسىز ەتۋ جۇمىستارى بيىلعى جىلدىڭ ءساۋىر ايىندا باستالعان. ۇزىندىعى  52 شاقىرىمعا سوزىلعان كارىز قۇبىرى 1800 استام تۇرعىن ۇيگە تارتىلۋدا. بۇگىندە مۇنداعى جۇمىستاردىڭ بيىلعا جوسپارلانعان مەجەسىن تولىعىمەن ورىنداپ قويدىق، دەيدى مەردىگەر كومپانيا وكىلى.

عالامات باتىربەكوۆ – «ىنتىماق بەس ارىس» جشس وكىلى

كارىز جۇيەسىنە قوسىلاتىن كۇندى اسىعا كۇتىپ جۇرگەن ميراستىقتار، اينالامىز شىبىن-شىركەيگە تولىپ بارادى، دەيدى. سوڭعى كەزدە ءار ءۇيدىڭ اۋلاسىنان قازىلعان قالدىق سۋ شۇڭقىرلارىنان شىققان ءيىس، جەل تۇرسا ءبۇتىن ءبىر ەلدى مەكەن حالقىنىڭ مازاسىن قاشىراتىن كورىنەدى.

نۇرلان شىرىنباەۆ – ميراس شاعىن اۋدانىنىڭ تۇرعىنى

قازىرگى تاڭدا كارىز قۇبىرى قالانىڭ 13 نۇكتەسىندە جۇرگىزىلۋدە. ونىڭ 3-ەۋى ماگيسترالدى سارقىندى سۋ جۇيەسى بولسا، قالعان 10-ى ىشكى ورامدىق جۇيە قۇرىلىسى. بيىل ونىڭ 5 ەلدى مەكەنىندەگى جۇمىس اياقتالىپ،  پايدالانۋعا بەرىلەدى دەپ جوسپارلانۋدا. بۇل رەتتە 52 پايىزدى قۇراپ وتىرعان كورسەتكىش 2 پايىزعا وسپەك.

 

گ.اسقارقىزى               

پىكىرلەر