Shymkent qalasyn tolyqtaı káriz júıesimen qamtý maqsatynda 13 nysannyń qurylysy júrgizilip jatyr. Olardyń 5-eýi bıyl jyl aıaǵyna deıin iske qosylady dep kútilýde. Qala ákimi Murat Áıtenovtyń baqylaýyndaǵy bul jumystardy, salaǵa jaýapty basqarma basshysy Boranbaı Bolatbekovtyń ózi qadaǵalaýda.
Shapaǵat, Mıras shaǵyn aýdandaryn káriz júıesimen qamtamasyz etý jumystary bıylǵy jyldyń sáýir aıynda bastalǵan. Uzyndyǵy 52 shaqyrymǵa sozylǵan káriz qubyry 1800 astam turǵyn úıge tartylýda. Búginde mundaǵy jumystardyń bıylǵa josparlanǵan mejesin tolyǵymen oryndap qoıdyq, deıdi merdiger kompanııa ókili.
Ǵalamat Batyrbekov – «Yntymaq bes arys» JShS ókili
Káriz júıesine qosylatyn kúndi asyǵa kútip júrgen mırastyqtar, aınalamyz shybyn-shirkeıge tolyp barady, deıdi. Sońǵy kezde ár úıdiń aýlasynan qazylǵan qaldyq sý shuńqyrlarynan shyqqan ıis, jel tursa bútin bir eldi meken halqynyń mazasyn qashyratyn kórinedi.
Nurlan Shyrynbaev – Mıras shaǵyn aýdanynyń turǵyny
Qazirgi tańda káriz qubyry qalanyń 13 núktesinde júrgizilýde. Onyń 3-eýi magıstraldy sarqyndy sý júıesi bolsa, qalǵan 10-y ishki oramdyq júıe qurylysy. Bıyl onyń 5 eldi mekenindegi jumys aıaqtalyp, paıdalanýǵa beriledi dep josparlanýda. Bul rette 52 paıyzdy qurap otyrǵan kórsetkish 2 paıyzǵa óspek.
G.Asqarqyzy