2023 جىلعى 11 قىركۇيەكتە الماتى وبلىسىندا مەكتەپ وقۋشىسى ءوز-وزىنە قول جۇمساماق بولعانى حابارلاندى. مينيسترلىك وكىلدەرى جاعدايعا قاتىستى تۇسىنىكتەمە بەردى، دەپ حابارلايدى "ادىرنا" ۇلتتىق پورتالى Zakon.kz سايتىنا سىلتەمە كورسەتە وتىرىپ.
وقۋ-اعارتۋ مينيسترلىگىنىڭ حابارلاۋىنشا، قازىر اتالمىش جاعداي بويىنشا جۇمىس توبى قۇرىلعان. جاعدايدىڭ وقۋ-اعارتۋ مينيسترلىگى، بالالاردىڭ قۇقىعىن قورعاۋ كوميتەتىنىڭ باقىلاۋىندا ەكەنىن ايتىلدى. جاعدايدىڭ انىق-قانىعىن انىقتاۋ ءۇشىن باسشىلىق ماماندارىنىڭ تالعار اۋدانىنداعى مەكتەپكە اتتانعانى حابارلاندى.
"وسى جاعداي بويىنشا جۇمىس توبى قۇرىلدى. وقيعانىڭ ءمان-جايىن انىقتاۋ ءۇشىن وقۋ-اعارتۋ مينيسترلىگىنىڭ وكىلدەرى مەن الماتى وبلىسىنىڭ ءبىلىم باسقارماسىنىڭ باسشىلىعى شۇعىل تۇردە بالا وقيتىن مەكتەپكە اتتاندى", - دەپ حابارلادى قازاقستان رەسپۋبليكاسى وقۋ-اعارتۋ مينيسترلىگىنىڭ ءباسپاسوز قىزمەتى.ەسكە سالا كەتەيىك، 11 قىركۇيەكتە الماتى وبلىسى، تالعار اۋدانى، بەساعاش اۋىلىندا وقۋشى بالا حات جازىپ قالدىرىپ، كوپ اسپيرين ءىشىپ، توسەككە جاتىپ قالعان. اۋىل حالدە جاتقان بالاسىنىڭ ۇستىنەن تۇسكەن اناسى جەدەل-جاردەم شاقىرتقان. پوليتسەيلەر قازىرگى ۋاقىتتا ءىستىڭ ءمان-جايىن تولىق، جان-جاقتى جانە وبەكتيۆتى زەردەلەۋ ءۇشىن ساراپتامالار تاعايىندالىپ، بارلىق قاجەتتى تەرگەۋ شارالارى جۇرگىزىلىپ جاتقانىن ايتتى.
"ادىرنا" ۇلتتىق پورتالى
ۇقساس جاڭالىقتار
