تۇركىستان وبلىسى قازىعۇرت اۋىلىنىڭ «Qazygurt» كومانداسى گرەكيادا وتكەن Open International Championship 2026 حالىقارالىق روبوتوتەحنيكا چەمپيوناتىندا جۇلدەلى ورىنعا يە بولدى. بۇل تۋرالى وقۋ-اعارتۋ مينيسترلىگى جازدى، دەپ حابارلايدى «ادىرنا» ءتىلشىسى.
جارىسقا 56 ەلدىڭ جاس ينجەنەرلەرى قاتىستى. قازاقستاندىق وقۋشىلار اقش، جاپونيا، برازيليا، گەرمانيا، قىتاي، يسپانيا جانە تۇركيا قاتىسۋشىلارىمەن باسەكەگە ءتۇستى. چەمپيونات قورىتىندىسى بويىنشا ولار Champions Award نوميناتسياسىندا ەكىنشى ورىن يەلەندى.
قۇرامادا باۋىرجانقىزى ارايلىم، ابدراي ەرنۇر، جاركينبەك ءىنجۋ، امانگەلديەۆ ابزال، جەتپىس ەراسىل، وتەپبەرگەن نۇربەك، ايبەك ەركەبۇلان جانە كەنەسوۆ دياس ونەر كورسەتتى. ولار ق.تۇرسىنقۇلوۆ اتىنداعى مەكتەپ-گيمنازيادا، ق.ساتباەۆ اتىنداعى مەكتەپ-ليتسەيدە جانە ا.س. ماكارەنكو اتىنداعى جالپى ءبىلىم بەرەتىن مەكتەپتە وقيدى.
كوماندانىڭ جەتەكشىلەرى – ورازحان بەكسۇلتان، تاستان ەربول، ۇستەنوۆ نۇرسۇلتان، نىشان قايىركەن جانە اليمكۋلوۆ قۋانىش.
«Qazygurt» كومانداسى حالىقارالىق چەمپيوناتقا جولدامانى Alem Tech Fest جارىسىندا جەڭىپ العان ەدى. اتالعان جارىس وقۋ-اعارتۋ مينيسترلىگىنىڭ قولداۋىمەن USTEM Foundation جانە «دارىن» رەسپۋبليكالىق عىلىمي-پراكتيكالىق ورتالىعىنىڭ ۇيىمداستىرۋىمەن وتكەن بولاتىن.
«بۇل جەر كوپشىلىكتىڭ «تۋالەتى» ەمەس!». يمام مەشىت اجەتحاناسىنا كىرمەك بولعان جۇمىسشىلاردى قۋىپ شىقتى
